Луғат. Тузувчилар: Абулқосимов Ҳ. П., Абулқосимов М.Ҳ

Давлат қимматли қоғозлари – 
бюджет камомадини 
қоплаш мақсадида ҳукумат ёки маҳаллий ҳокимият идоралари 
номидан чиқарилган ва албатта ҳукумат томонидан 
кафолатланган қимматли қоғозлар. Амал қилиш муддатига 
кўра турлари: қисқа муддатли облигациялар - 
хазина 
векселлари 
(бир ҳафтадан 1 йилгача), ўрта муддатли – 
ноталар 
(1 йилдан 5 йилгача), узоқ муддатли - 
бонлар
( 5йилдан ортиқ). 
Шунингдек, аҳоли жамғармаларини жалб қилиш мақсадида 
чиқариладиган жамғарма бонлар, сертификатлар сингари 
Д.қ.қ. ҳам мавжуд. Д.қ.қ. исталган вақтда тўлов учун тақдим 
этилиши мумкин, аммо муддати тўлмаган қимматли қоғозлар 
учун тўлов фоизлари паст бўлади. 
Давлат мақсадли жамғармалари -
Давлат бюджети 
таркибида жамлантириладиган жамғармалар бўлиб, уларнинг 
ҳар бири учун маблағлар манбалари, ҳар бир манбадан маблағ 
тушиши 
нормалари 
ва 
шартлари, 
шунингдек, 
шу 
маблағлардан фойдаланилиши мумкин бўлган мақсадлар 
қонун ҳужжатлари билан белгиланади. 
Давлат 
молияси
– 
давлат 
ихтиёрида 
пул 
жамғармаларининг ташкил этилиши, тақсимланиши ва 
сарфланиши соҳасидаги молиявий муносабатлар. Давлат 
молияси маблағлари умуммиллий манфаатлар йўлида 
сарфланади. Давлат функцияларини бажаришга хизмат 
қилади. Д.м. пул жамғармалари, молия механизми, давлатнинг 
молиявий институтлари (идоралари) ва молия сиёсатини ўзида 
мужассамлаштиради. Д.м. таркибан давлат бюджети, 
маҳаллий (муниципал) бюджетлар, давлат корхоналарининг 
молияси (уларнинг бюджети), ҳукуматга қарашли махсус 
жамғармалар, давлат кредити (давлат қарз олган ва қарзга 
берадиган воситалари) каби турларга бўлинади. У такрор 
ишлаб чиқариш жараёнларини таъминлаш, халқнинг моддий 
ва маънавий турмуш фаровонлигини ошириш, давлат 
органларини 
маблағ 
билан 
таъминлаш, 
мамлакат 

---

- 90 - 
иқтисодиётини ўстириш, ижтимоий соҳани молиялаштириш, 
иқтисодиётни инвестициялаш, аҳолини ижтимоий ҳимоя 
қилиш, миллий хавфсизликни таъминлаш, давлатни идора 
қилиш, ва бошқаларда етакчи восита ҳисобланади. Мавжуд 
барча корхоналар ва миллий иқтисодиёт тармоқлари молияси 
давлат молияси ва молия тизими заҳираларининг асосий 
манбаидир.