Loyihaning ayrim bosqichlarini bajarish bo’yicha tavsiyalar

Garaj jihozlarining uzel va bo’laklarini loyihalash bo’yicha ko’rsatmalar:
1) loyihalanuvchi jihoz uzel va bo’laklarini unifikastiyalash.
Texnologik jihozlarni butlashda, ularning bo’lak va qismlarini iloji boricha unifikastiyalashga erishish kerak. Unifikastiya bo’laklar xilini kamaytirish, yasalish xarajatlarini qisqartirish, jihozni ishlatish va ta’mirlashni osonlashtiradi.
Original bo’laklarni va uzellarni unifikastiyalash ichki (loyihalanuvchi jihoz chegarasida) va tashqi (boshqa garaj yoki boshqa turdagi jihozlardan olingan) bo’lishi mumkin.
Ichki unifikastiyani odatda ilashish joylaridan, shlistali, rezbali, shponkali birikmalardan boshlanadi.
Tashqi unifikastiya katta iqtisodiy samara berib, bo’lak va uzellarni tayyor holda qo’llash imkoniyatini beradi.
Garaj jihozlarini loyihalashda ko’p hollarda avtomobillarning agregat va uzellaridan foydalaniladi. Bular kardan uzatmasi, yarim o’qlar, moy nasoslari, reduktor sifatida orqa ko’prik yoki uzatmalar qutisi. Kuch mexanizmlari uchun tormozlash kameralari, ko’tarish mexanizmi silindrlari va boshqalar.
2) loyihalashda agregatlash
Agregatlash, bu - loyihalanuvchi jihoz ramasiga avtonom uzel hisoblanuvchi unifikastiyalashgan agregatlarni turli ko’rinishda o’rnatishdan iborat. Agregatlash jihozni loyihalashni tezlashtiradi, yig’ish va jamlashni osonlashtiradi.
6.4. Texnologik jihoz uchun kuch mexanizmlari va ularni hisoblash asoslari
Texnologik jihozlarda, ayniqsa, garaj jihozlarida kuch mexanizmlarining turlilaridan foydalaniladi: avtomobil, agregatlarni ko’tarish va tashish uchun; presslash, mahkamlash, moylash va boshqa ishlar uchun. Diagnostika jihozlarida avtomobilni stendga o’rnatish, ba’zi agregatlarni mahkamlash, stend roliklarini harakatlantirish va boshqa.
Kuch mexanizmlari quyidagicha tasniflanadi: A) oddiy va kombinatsiyalashgan.

• 
  oddiylarga: vintli, eksstentrikli, tasmali, richagli va shunga o’xshash.
  
• 
  kombinatsiyalashganga: vint richagli, eksstentrik richagli, pnevmo richagli va boshqalar.
  

B) mexanizatsiyalashganlik darajasi bo’yicha:
- mexanizatsiyalashgan: shtok yoki yuritma vali yordamida ishlaydilar (pnevmatik, gidravlik, pnevmogidravlik, elektromexanik, elektromagnit, vakkumli)
-avtomatlashtirilgan: ishchi ishtirokisiz boshqa uzellarni qo’zg’atish tufayli harakatga keladilar.