Loyiha matni 49901-(61999)

200-modda. Tekshiruvlarni elektron roʻyxatga olish yagona tizimi
Tekshiruvlar nazorat qiluvchi organlar tomonidan Tekshiruvlarni elektron roʻyxatga olish yagona
tizimida majburiy tartibda ularni amalga oshirishdan oldin roʻyxatdan oʻtkazilishi lozim.
Tadbirkorlik subyektlari faoliyatidagi tekshiruvlarni Tekshiruvlarni elektron roʻyxatga olish
yagona tizimida roʻyxatdan oʻtkazishga bevosita nazorat qiluvchi organning tekshiruv oʻtkazayotgan

---

project.gov.uz
06.06.2022
93
mansabdor shaxsi masʼuldir.
Tadbirkorlik subyektlari faoliyatining Tekshiruvlarni elektron roʻyxatga olish yagona tizimida
roʻyxatga olinmagan tekshiruvlari qonunga xilofdir.
Vakolatli organni xabardor etish tartibida oʻtkaziladigan tekshiruvlarni Tekshiruvlarni elektron
roʻyxatga olish yagona tizimida tekshiruvlar boshlangandan soʻng 24 soat ichida, bir kunlik tekshiruvlar
oʻtkazilganda – ular tugagandan soʻng keyingi ish kuni mobaynida roʻyxatga olishning alohida holatlari
nazarda tutilishi mumkin.
Oʻtkazilgan tekshiruvlar natijalari Tekshiruvlarni elektron roʻyxatga olish yagona tizimiga
nazorat qiluvchi organlar tomonidan tekshiruv yakunlangandan soʻng uch kun mobaynida, qoʻllanilgan
taʼsir choralar natijalari – ular qoʻllanilgan paytdan bir ish kun mobaynida kiritilishi lozim.
Tekshiruvlar natijalari boʻyicha nazorat qiluvchi organning qarori bekor qilingan yoki haqiqiy
emas deb topilgan holatda, qaror bekor qilingan kundan yoki uning tekshiruv natijalarini haqiqiy emas
deb topish toʻgʻrisidagi sud qarori kuchga kirgan kundan uch ish kuni mobaynida tegishli maʼlumotlar
nazorat qiluvchi organlar tomonidan Tekshiruvlarni elektron roʻyxatga olish yagona tizimiga kiritilishi
lozim.
Belgilangan tartibda davlat sirlari yoki qonun bilan qoʻriqlanadigan boshqa sirlarni tashkil
etuvchi maʼlumotlar Tekshiruvlarni elektron roʻyxatga olish yagona tizimiga kiritilmaydi.
Tekshiruvlarni elektron roʻyxatga olish yagona tizimining yuritish tartibi vakolatli organ
tomonidan belgilanadi.