Loyiha matni 49901-(61999)

193-modda. Tekshiruv oʻtkazishni tashabbus qilish asoslari
Roʻyxatda nazarda tutilgan holatlar boʻyicha xabardor etish tartibida oʻtkaziladigan
tekshiruvlarning tashabbusi, nazorat doirasining oʻziga xos xususiyatlaridan kelib chiqib, Roʻyxatda
belgilangan tartibda tizimli ravishda amalga oshiriladi.
Vakolatli organ bilan kelishish va uni xabardor etish tartibida oʻtkaziladigan tekshiruvlarni
tashabbus qilish uchun quyidagilar asos boʻladi:
jismoniy va yuridik shaxslarning qonunchilik hujjatlari buzilishi haqidagi murojaatlari;
“Xavfni tahlil etish” tizimining natijalari;
boshqa davlat organlari tomonidan qonunchilik hujjatlari buzilishi toʻgʻrisida taqdim etilgan
maʼlumotlar;
ommaviy axborot vositalari va boshqa axborot manbalaridan, shu jumladan Internet jahon
axborot tarmogʻidan qonunchilik hujjatlari buzilishi toʻgʻrisida olingan maʼlumotlar.
Litsenziyalovchi organ tomonidan litsenziatlar litsenziya talablari va shartlariga rioya
etayotganligi ustidan tekshiruvlarni oʻtkazish tashabbusi mazkur modda ikkinchi qismining ikkinchi –
beshinchi xatboshilarida belgilangan asoslarga koʻra amalga oshiriladi.
“Xavfni tahlil etish” tizimining natijalari va boshqa davlat organlari tomonidan qonunchilik
hujjatlari buzilishi toʻgʻrisida taqdim etilgan maʼlumotlar asosida tadbirkorlik subyektlari faoliyatida
tekshiruvlarni oʻtkazish tashabbusi, ular tomonidan ushbu tadbirkorlik subyektlarida qonun buzilishlarga
yoʻl qoʻyilishini ogohlantirish va oldini olish boʻyicha profilaktik tadbirlar oʻtkazilgandan soʻng amalga

---

project.gov.uz
06.06.2022
90
oshiriladi.
194-modda. Tadbirkorlik subyektini tekshiruv toʻgʻrisida oldindan xabardor etish
“Xavfni tahlil qilish” tizimi natijalari boʻyicha oʻtkaziladigan tekshiruv toʻgʻrisida nazorat
qiluvchi organ tadbirkorlik subyektini kamida 10 ish kuni oldin xabardor qilishi shart.
Nazorat qiluvchi organlar tomonidan tadbirkorlik subyektlariga nisbatan tekshiruv toʻgʻrisida
xabarnomada taraflarning huquq va majburiyatlari, korrupsiyaviy huquqbuzarliklar uchun taraflarning
javobgarligi, korrupsiya alomatlari vujudga kelganda xabar berish tartibi, mansabdor shaxslarning
harakatlari ustidan shikoyat berish tartibi va manfaatlar toʻqnashuvi bilan bogʻliq masalalar majburiy
tartibda koʻrsatiladi.