Loyiha matni 49901-(61999)

192-modda. Tekshiruvlarni tashkil etish tartibi
Tekshiruvlar:
tadbirkorlik subyektlari faoliyati ustidan oʻtkaziladigan tekshiruvlarni muvofiqlashtirish va
nazorat qiluvchi organlar tomonidan tekshiruvlar oʻtkazilishining qonuniyligi ustidan nazorat qilish
boʻyicha vakolatli organ (bundan buyon bobning matnida vakolatli organ deb yuritaladi) bilan kelishish
tartibida;

---

project.gov.uz
06.06.2022
89
vakolatli organni xabardor etish tartibida tashkil etiladi.
Ushbu Kodeksning 1-ilovasida koʻrsatilgan tadbirkorlik subyektlari faoliyati ustidan
oʻtkaziladigan tekshiruvlar Roʻyxatiga (bundan buyon bobning matnida Roʻyxat deb yuritiladi) kiritilgan
tekshiruv turlari vakolatli organni xabardor etish tartibida oʻtkaziladi.
Roʻyxatga fuqarolarning hayoti va sogʻligʻiga, jamoat xavfsizligi, atrof-muhitga zarar yetkazish
xavfining oldini olish uchun kechiktirib boʻlmaydigan nazorat tadbirlarini oʻtkazish bilan bogʻliq
tekshiruvlar kiritiladi.
Roʻyxatda nazarda tutilmagan barcha tekshiruvlar vakolatli organ bilan kelishilgan tartibda
amalga oshiriladi. Tadbirkorlik subyektlari faoliyatida tekshiruvlar oʻtkazish toʻgʻrisidagi buyurtmalari
vakolatli organ tomonidan uch ish kunidan kechiktirmay koʻrib chiqiladi.
Vakolatli organ bilan tekshiruvlarni kelishish va uni tekshiruvlar oʻtkazish toʻgʻrisida xabardor
etish “Yagona davlat nazorati” axborot tizimi orqali amalga oshiriladi.
Davlat sirlarini saqlash bilan bogʻliq tekshiruvlarni kelishish yoki vakolatli organni shunday
tekshiruvlarni oʻtkazish toʻgʻrisida xabardor etish boʻyicha ish yuritilishi davlat sirlarini saqlash
toʻgʻrisidagi qonunchilik hujjatlariga muvofiq amalga oshiriladi.
Tadbirkorlik subyektlarining moliya-xoʻjalik faoliyatini tekshirishlar belgilangan tartibda faqat
davlat soliq va bojxona xizmati organlari tomonidan, tekshirishlar davomida soliq va valyutaga oid
jinoyatlar alomatlari aniqlaganida esa Oʻzbekiston Respublikasi Bosh prokuraturasi huzuridagi Iqtisodiy
jinoyatlarga qarshi kurashish departamenti tomonidan amalga oshiriladi.