Loyiha matni 49901-(61999)

270-modda. Tadbirkorlikni qoʻllab-quvvatlash fondlari
Tadbirkorlikni qoʻllab-quvvatlash va ragʻbatlantirish maqsadida Oʻzbekiston Respublikasining
qonunchilik hujjatlarida belgilangan tartibda fondlar tashkil etilishi mumkin.
271-modda. Biznes-inkubator
Biznes-inkubator bu tadbirkorlarni oʻz faoliyatining dastlabki bosqichida qoʻllab-quvvatlash
maqsadida yuridik shaxs shaklida tashkil etilgan kichik va oʻrta tadbirkorlikni qoʻllab-quvvatlash
infratuzilmasi boʻlib, u oʻzida ishlab chiqarish binolarini vaqtincha foydalanishga berish, tadbirkorlik
faoliyatini yuritish uchun zarur boʻlgan xizmatlarni koʻrsatish (buxgalteriya, yuridik, logistika va
boshqalar), shuningdek tadbirkorlikni rivojlantirish uchun konsalting, oʻquv mashgʻulotlari va
seminarlarini tashkil etish xizmatlarini qamrab oladi.
Biznes-inkubatorlar quyidagilar tomonidan tashkil etilishi mumkin:
Oʻzbekiston Respublikasi Innovatsion rivojlanish vazirligi;
taʼlim muassasalari;

---

project.gov.uz
06.06.2022
137
mahalliy investorlar;
davlat-xususiy sheriklik shartlari asosida xususiy sherik.
Biznes-inkubatorlar Oʻzbekiston Respublikasi qonunchilik hujjatlarida nazarda tutilgan soliq va
bojxona imtiyozlaridan foydalanadi.
Biznes-inkubatorning vazifalari:
biznes-inkubatorga joylashtirish uchun kichik va oʻrta tadbirkorlik subyektlarini tanlash;
kichik va oʻrta tadbirkorlik subyektlariga taʼlim, marketing, konsalting va boshqa tashkiliy va
boshqaruv xizmatlarini koʻrsatish.
Biznes-inkubatorlarda obyekt va mulk kichik va oʻrta tadbirkorlik subyektiga ular oʻrtasida
qonunchilik hujjatlariga muvofiq tuziladigan shartnomada belgilangan shartlarda, besh yildan oshmagan
muddatga beriladi.
3-§. Tadbirkorlik subyektlarini infratuzilmaviy qoʻllab-quvvatlash