Loyiha matni 49901-(61999)

276-modda. Tadbirkorlik subyektining axborot olish kafolatlari va erkinligi
Tadbirkorlik subyektlari axborotni izlash, olish, tadqiq etish, uzatish va tarqatish huquqi davlat
tomonidan himoya qilinadi.
Tadbirkorlik subyekti axborot olishni soʻrab bevosita oʻzi yoxud vakolatli vakillari orqali
murojaat etish huquqiga ega.
Axborot olishga doir soʻrov ogʻzaki, yozma shaklda, shu jumladan axborot tizimi orqali elektron
shaklda ifodalanishi mumkin.
Yozma soʻrovda tadbirkorlik subyektining nomi (vakilining ismi, otasining ismi, familiyasi),
manzili, soʻralayotgan axborotning nomi yoki xususiyati koʻrsatiladi.
Yozma soʻrovda tadbirkorlik subyektining elektron manzili koʻrsatilishi mumkin. Yozma
soʻrovda elektron manzilning koʻrsatilganligi tadbirkorlik subyektining soʻrovga axborot tizimi orqali
elektron shaklda javob olishga boʻlgan roziligidir.
Yozma soʻrovlar, shu jumladan elektron hujjat tarzida yuboriladigan soʻrovlar roʻyxatdan
oʻtkazilishi shart.
Soʻrovga iloji boricha qisqa muddatda, agar qonunchilikda boshqa hol nazarda tutilgan boʻlmasa,
soʻrov olingan sanadan boshlab oʻn besh kundan kechiktirmay javob qaytarilishi kerak.
Ogʻzaki soʻrovga, imkoniyatga qarab, darhol javob berilishi shart.
Agar soʻrov tushgan organ yoki mansabdor shaxs soʻralayotgan axborotga ega boʻlmasa,
tadbirkorlik subyektiga bu haqda soʻrov olingan sanadan boshlab yetti kundan kechiktirmay maʼlum

---

project.gov.uz
06.06.2022
140
qilishi, shuningdek, imkoniyatga qarab, unga bunday axborotga ega boʻlgan organning yoki mansabdor
shaxsning nomini maʼlum qilishi shart.
Tadbirkorlik subyektining soʻroviga belgilangan muddatlarda javob berilmaganda hamda
axborot olish huquqining buzilishida aybdor boʻlgan shaxslar qonunchilikka muvofiq javobgarlikka
tortiladilar.