Loyiha matni 49901-(61999)

274-modda. Kichik sanoat zonalari
Kichik sanoat zonasi ishlab chiqarish faoliyatini amalga oshirish uchun moʻljallangan aholi
punkti hududining yoki aholi punktlariaro hududning chegaralari aniq belgilangan qismi boʻlib, ushbu
hududga qonunchilik hujjatlari bilan muayyan maqom beriladi hamda hududi doirasida xizmat
koʻrsatuvchi infratuzilmaga ega boʻlgan ishlab chiqarish maydonlari joylashtiriladi.
Kichik sanoat zonasi elektr energiyasi, tabiiy gaz, suv taʼminoti, kanalizatsiya, transport
kommunikatsiyalari va boshqa xizmat turlariga boʻlgan ehtiyojni taʼminlovchi tashqi muhandislik-
kommunikatsiyalari va infratuzilmalari mavjud boʻlgan yoki oʻtkazish oson boʻlgan faoliyat
koʻrsatmayotgan ishlab chiqarish maydonlari va qishloq xoʻjaligi uchun moʻljallanmagan boʻsh turgan
yer uchastkalari negizida tashkil etiladi.
Kichik sanoat zonasida tadbirkorlik subyektlari-yuridik shaxslarni joylashtirish kichik sanoat
zonasining maʼmuriy kengash tomonidan investitsiya loyihalarini boʻsh maydonlar, bino va inshootlar
doirasida tanlov asosida tanlab olish orqali amalga oshiriladi.
Kichik sanoat zonasining ishlab chiqarish maydoni uzoq muddatli ijara huquqi asosida
foydalanishga beriladi. Kichik sanoat zonasi hududida joylashgan bino va inshootlarni xususiylashtirish
qonunchilikda belgilangan tartibda amalga oshiriladi.
Kichik sanoat zonalarining tashkil etilishi va faoliyat yuritishi, shuningdek, ularning hududlarida
tadbirkorlik subyektlarini tanlov asosida tanlab olish va joylashtirish tartibi Oʻzbekiston Respublikasi
Vazirlar Mahkamasi tomonidan belgilanadi.
4-§. Tadbirkorlikni axborot-tahliliy, oʻquv-uslubiy, ilmiy-uslubiy taʼminotdan iborat
axborot taʼminoti
275-modda. Tadbirkorlikni axborot bilan taʼminlash

---

project.gov.uz
06.06.2022
139
Tadbirkorlikni axborot bilan taʼminlash tadbirkorlik subyektlariga raqobatbardosh tovar (ish,
xizmat)lar ishlab chiqarishga imkon beradigan ularning professional saviyasini oshirish maqsadida
amalga oshiriladi.
Axborotni qoʻllab-quvvatlash quyidagilar asosida amalga oshiriladi:
tadbirkorlikni rivojlantirish boʻyicha oʻquv seminarlari va ilmiy-amaliy konferensiyalarni tashkil
etish;
xorijiy stajirovkalarni tashkil etish;
oʻquv qoʻllanmalar, tadbirkorlik amaliyoti, yangi texnologiyalar bozori toʻgʻrisidagi axborot
bilan taʼminlash;
tadbirkorlik subyektlari oʻrtasida axborot va tushuntirish ishlarini, konsalting, lizing, sugʻurta va
boshqa xizmatlar tizimi rivojlantirilishini tashkil etish;
ilgʻor xorijiy texnologiyalarni transferini osonlashtirish;
kadrlarni tayyorlash, qayta tayyorlash va ularning malakasini oshirishda tadbirkorlik
subyektlariga koʻmaklashish.
Tadbirkorlik subyektlarini axborot bilan taʼminlash Oʻzbekiston Respublikasi davlat byudjeti
mablagʻlari va Oʻzbekiston Respublikasining qonunchilik hujjatlarida taqiqlanmagan boshqa manbalar
hisobidan amalga oshiriladi.