Loyiha matni 49901-(61999)

292-modda. Ijtimoiy korxonalarga beriladigan imtiyozlar va preferensiyalar
Ijtimoiy korxonalarga quyidagi imtiyozlar va preferensiyalar beriladi:
soliq va bojxona toʻlovlari boʻyicha imtiyozlar berish. Bunda soliq imtiyozlarini berish tartibi
Oʻzbekiston Respublikasining Soliq kodeksida belgilanadi;
davlat koʻchmas mulk obyektlarini yoki ularga boʻlgan mulkiy huquqlarni qonunchilikda
belgilangan tartibda imtiyozli asosda realizatsiya qilish;
davlat koʻchmas mulk obyektlarini qonunchilikda belgilangan tartibda imtiyozli asosda ijaraga
berish;
davlat buyurtmachilariga toʻgʻridan-toʻgʻri shartnomalar boʻyicha ijtimoiy tovarlarni realizatsiya
qilish va ijtimoiy xizmatlar koʻrsatish;
soddalashtirilgan moliyaviy va soliq hisobotlari;
ijtimoiy korxonalarning ijtimoiy tovarlari va ijtimoiy xizmatlarini oʻz faoliyati Oʻzbekiston
Respublikasining Davlat byudjetidan toʻliq yoki qisman moliyalashtiriladigan reklama beruvchilar
tomonidan reklama uchun ajratiladigan efir vaqti, nashr yoki reklama maydoni umumiy yillik hajmining
besh foizidan kam boʻlmagan hajmda bepul reklama qilish.
Ushbu modda birinchi qismining uchinchi va toʻrtinchi xatboshilarida nazarda tutilgan, ijtimoiy
korxonalar faoliyatini qoʻllab-quvvatlash uchun foydalaniladigan imtiyozlar va preferensiyalar
Oʻzbekiston Respublikasi qonunlari, Oʻzbekiston Respublikasi Prezidentining farmonlari va qarorlari

---

project.gov.uz
06.06.2022
146
hamda Oʻzbekiston Respublikasi Vazirlar Mahkamasining qarorlari bilan beriladi.
Agar ijtimoiy korxonalar reyestriga kiritilgan tadbirkorlik subyektlari oʻtgan moliya yilida
olingan foydaning kamida uchdan ikki qismini keyingi moliya yilida ijtimoiy korxonaning faoliyatiga
yoki ijtimoiy loyihalarga reinvestitsiya qilish uchun yoʻnaltirmagan boʻlsa, soliqlar va bojxona bojlari
boʻyicha berilgan imtiyozlar summalari qaytarib olinadi, bundan asosiy faoliyatini favqulodda
vaziyatlarga qarshi kurashish va ularning oqibatlarini bartaraf etishga qaratilgan tovarlar ishlab chiqarish,
ishlarni bajarish va xizmatlar koʻrsatish uchun oʻzgartirgan tadbirkorlik subyektlari mustasno. Olingan
foydaning kamida uchdan ikki qismi ushbu qismda belgilangan maqsadlar uchun yoʻnaltirilganligi
ijtimoiy korxonaning soliq hisobotlariga koʻra aniqlanadi.