Loyiha matni 49901-(61999)

287-modda. Kichik va oʻrta tadbirkorlik subyektlarini mulkiy qoʻllab-quvvatlash
Kichik va oʻrta tadbirkorlik subyektlarining ishlab chiqarish faoliyatini tashkil etish va xizmat
koʻrsatish sohasiga, bundan savdo va vositachilik faoliyati mustasno, foydalanilmayotgan davlat mulki
obyektlari belgilangan tartibda ijara huquqi asosida berilishi mumkin.

---

project.gov.uz
06.06.2022
144
Kichik va oʻrta tadbirkorlik subyektlari tomonidan ijara shartnomasi shartlarining bajarilishini
nazorat qilish respublika va munitsipal mulkni tasarruf etishga vakolatli boʻlgan tegishli davlat organlari
tomonidan amalga oshiriladi.
288-modda. Kichik tadbirkorlikdan oʻrta tadbirkorlikka oʻtishda soliq yukini kamaytirib
borish boʻyicha davlat dasturlari
Davlat kichik tadbirkorlik subyektlarini oʻrta tadbirkorlik subyektlariga oʻtkazishni
ragʻbatlantiruvchi mexanizmlarni, jumladan ularning soliq yukini kamaytirib borish boʻyicha davlat
dasturlarini amalga oshirish orqali qoʻllab-quvvatlashi mumkin.
Soliq yukini kamaytirib borish boʻyicha davlat dasturlarining asosiy yoʻnalishlari quyidagilardan
iborat:
yillik oʻrtacha xodimlar soni;
naqd pulsiz pul aylanmasining hajmi;
soliq va yigʻimlarni toʻlash, soliq qonunchiligiga rioya qilish intizomi.
Ushbu moddaning ikkinchi qismida nazarda tutilgan yoʻnalishlar boʻyicha ijtimoiy soliq,
qoʻshilgan qiymat soligʻi, foyda soligʻi va yigʻimlar boʻyicha kamayib boruvchi stavkalarni qoʻllash
boʻyicha davlat dasturlari Oʻzbekiston Respublikasi Prezidenti qarorlari bilan amalga oshirilishi mumkin.
289-modda. Kichik tadbirkorlikdan oʻrta tadbirkorlikka oʻtishda tekshirishlarni
cheklashga oid davlat dasturlari
Kichik tadbirkorlik subyektlari oʻrta tadbirkorlik subyektlariga oʻtgan paytdan boshlab ikki yil
davomida ularning moliya-xoʻjalik faoliyatini tekshirilishiga yoʻl qoʻyilmaydi, bundan jinoyat ishi
doirasida va yuridik shaxs tugatilishi munosabati bilan oʻtkaziladigan tekshirishlar mustasno.