Loyiha matni 49901-(61999)

290-modda. Tadbirkorlik subyektlari uchun imtiyozlar va preferensiyalarning yagona
reyestri
Kichik, oʻrta va yirik tadbirkorlik subyektlari uchun qonunchilikda nazarda tutilgan imtiyozlar va
preferensiyalarning roʻyxati Yagona portaldagi Tadbirkorlik subyektlari uchun imtiyozlar va
preferensiyalarning yagona reyestrida eʼlon qilinadi hamda doimiy ravishda yangilab boriladi.
Tadbirkorlik subyektlari uchun imtiyozlar va preferensiyalarning yagona reyestrini shakllantirish
hamda doimiy ravishda yangilab borish tartibi Oʻzbekiston Respublikasi Vazirlar Mahkamasi tomonidan
belgilanadi.
Davlat organlari, ularning mansabdor shaxslari qonunchilikda berilgan imtiyozlar va
preferensiyalarni qoʻllash tartibini oʻz vakolatlari doirasida tushuntirishi, shuningdek ularning
qoʻllanilishini taʼminlashi shart.

---

project.gov.uz
06.06.2022
145
25-bob. Ijtimoiy tadbirkorlikni davlat tomonidan qoʻllab-quvvatlash
291-modda. Ijtimoiy tadbirkorlikni davlat tomonidan qoʻllab-quvvatlashning asosiy turlari
Ijtimoiy tadbirkorlik ushbu Kodeksning 259-moddasida nazarda tutilgan tadbirkorlikni davlat
tomonidan qoʻllab-quvvatlashning asosiy turlaridan tashqari quyidagi turlar orqali qoʻllab-quvvatlanadi:
imtiyozlar va preferensiyalar berish;
davlat ijtimoiy buyurtmasini joylashtirish.
Ijtimoiy korxonalarni davlat tomonidan qoʻllab-quvvatlash tadbirkorlik subyekti ijtimoiy
korxonalar reyestriga kiritilgan kundan eʼtiboran qoʻllaniladi va ijtimoiy korxonalar reyestridan
chiqarilgan kundan eʼtiboran bekor qilinadi.
Ijtimoiy tadbirkorlikni davlat tomonidan qoʻllab-quvvatlash asosiy faoliyat turini favqulodda
vaziyatlarga qarshi kurashishga va ularning oqibatlarini bartaraf etishga qaratilgan tovarlar ishlab
chiqarish, ishlarni bajarish hamda xizmatlar koʻrsatishga oʻzgartirgan tadbirkorlik subyektlariga nisbatan
faqat favqulodda vaziyat vaqtida qoʻllaniladi va favqulodda vaziyat oqibatlari bartaraf etilgan yoki
favqulodda vaziyat holati bekor qilingan oydan keyingi oyning birinchi sanasidan eʼtiboran bekor
qilinadi.