Loyiha matni 49901-(61999)

24-bob. Kichik va oʻrta tadbirkorlikni qoʻllab-quvvatlash
284-modda. Kichik va oʻrta tadbirkorlikni davlat tomonidan qoʻllab-quvvatlash turlari

---

project.gov.uz
06.06.2022
143
Kichik va oʻrta tadbirkorlikni davlat tomonidan qoʻllab-quvvatlash ushbu Kodeksning 259-
moddasida belgilangan tadbirkorlikni davlat tomonidan qoʻllab-quvvatlash turlariga muvofiq amalga
oshiriladi, shu jumladan:
kichik va oʻrta tadbirkorlikni qoʻllab-quvvatlash va rivojlantirish uchun investitsiyalarni, shu
jumladan xorijiy investitsiyalarni jalb qilish va ulardan foydalanish tizimini yaratish;
kichik va oʻrta tadbirkorlikning tashqi savdo faoliyatiga koʻmaklashish;
kichik va oʻrta tadbirkorlikni qoʻllab-quvvatlash boʻyicha dasturlar qabul qilish, shu jumladan
kichik tadbirkorlikdan oʻrta tadbirkorlikka oʻtishni ragʻbatlantiruvchi davlat dasturlarini;
moliyaviy va soliq hisobotlarini soddalashtirilgan tartibini joriy etish;
kichik va oʻrta tadbirkorlik subyektlariga davlat xaridlarida ishtirok etish boʻyicha maslahat
berish;
kichik tadbirkorlik subyektidan oʻrta va yirik tadbirkorlik subyektiga oʻtishni ragʻbatlantiruvchi
soliq yukini kamaytirish boʻyicha davlat dasturlarni qabul qilish;
kadrlarni tayyorlash, qayta tayyorlash va malakasini oshirishni tashkil etish.
285-modda. Kichik va oʻrta tadbirkorlik subyektlariga energiya resurslari isteʼmoli
boʻyicha imtiyozlar
Qishloq xoʻjalik tovarlari ishlab chiqaruvchilar uchun energiya resurslari isteʼmoli boʻyicha
belgilangan imtiyozlar qishloq joylarda joylashgan hamda faoliyatni amalga oshirayotgan kichik va oʻrta
tadbirkorlik subyektlariga tatbiq etiladi.
286-modda. Ilmiy-tadqiqot va tajriba-konstruktorlik tuzilmalari
Kichik va oʻrta tadbirkorlik subyektlari yuridik shaxs tashkil etgan holda yangi mahsulot va
texnologiyalarni oʻzlashtirish, zarur tajriba-sinov ishlarini oʻtkazish, mahsulotlarning tajriba partiyalarini
ishlab chiqarish va seriyalab ishlab chiqarishni yoʻlga qoʻyishga tayyorlash chora-tadbirlarini amalga
oshirishga ixtisoslashgan ilmiy-tadqiqot va tajriba-konstruktorlik tuzilmalarini tashkil etishi mumkin.
Ilmiy-tadqiqot va tajriba-konstruktorlik tuzilmalari yirik tadbirkorlik subyektlari tomonidan ham
tashkil etilishi mumkin.