Loyiha matni 49901-(61999)

269-modda. Kompensatsiya turlari
Tadbirkorlik tashabbuslarini qoʻllab-quvvatlash uchun Jamgʻarma tomonidan tijorat banklarining
quyidagi kreditlari boʻyicha foiz xarajatlarini qoplash uchun kompensatsiya taqdim etiladi:
1) summasi bazaviy hisoblash miqdorining 41 000 baravaridan, foiz stavkasi Oʻzbekiston
Respublikasi Markaziy banki asosiy stavkasining 1,5 baravaridan oshmaydigan milliy valyutadagi

---

project.gov.uz
06.06.2022
136
kreditlar uchun – asosiy stavkasidan oshadigan, lekin 5 foiz punktidan koʻp boʻlmagan qismi;
2) ekvivalenti bazaviy hisoblash miqdorining 41 000 baravaridan oshmaydigan xorijiy
valyutadagi kreditlar uchun – tijorat banklari tomonidan belgilangan foiz stavkasining 30 foizigacha,
lekin 3 foiz punktidan koʻp boʻlmagan miqdorda tijorat banklarining kreditlari boʻyicha;
3) issiqxonalar qurish, intensiv bogʻlar yaratish va sovutgichlar qurish uchun 2017-yil 5-
sentyabrgacha xalqaro moliya institutlarining kredit liniyalari hisobidan ajratilgan xorijiy valyutadagi
kreditlarda belgilangan foiz stavkasining 50 foizi miqdorida;
4) Oʻzbekiston Respublikasi Bandlik va mehnat munosabatlari vazirligining tavsiyasiga asosan
yaratilgan ish oʻrnining kamida 50 foizi aholining ijtimoiy himoyaga muhtoj qatlami ishga olinganda
ajratiladigan qiymati bazaviy hisoblash miqdorining 41 000 baravaridan va Oʻzbekiston Respublikasi
Markaziy banki asosiy stavkasining 1,5 baravaridan oshmaydigan foizli milliy valyutadagi kreditlarning
Oʻzbekiston Respublikasi Markaziy bankining asosiy stavkasidan ortiq boʻlgan qismi boʻyicha;
5) sertifikatlangan sabzavot, poliz, dukkakli va moyli ekinlar urugʻlarini hamda mevali daraxt va
tok koʻchatlarini yetishtiruvchi qishloq xoʻjaligi korxonalari, klasterlar va kooperatsiyalarning urugʻlik va
koʻchat xarid qilish xarajatlarini moliyalashtirish uchun milliy valyutada ajratiladigan kreditlar boʻyicha
foiz stavkasining Oʻzbekiston Respublikasi Markaziy bankning asosiy stavkasidan oshadigan, lekin 10
foiz punktidan koʻp boʻlmagan qismi, shuningdek, xorijiy valyutada ajratiladigan kreditlar boʻyicha foiz
stavkasining 30 foizigacha, lekin 3 foiz punktidan koʻp boʻlmagan qismi boʻyicha.
Ushbu moddaning birinchi qismi 1 va 2-bandlarida nazarda tutilgan kompensatsiya turlari kichik
tadbirkorlik subyektlariga taqdim etiladi.
Oʻzbekiston Respublikasi Prezidentning qarorlarida tadbirkorlik subyektlariga ushbu moddaning
birinchi qismida nazarda tutilmagan boshqa kompensatsiya turlarini taqdim etish nazarda tutilishi
mumkin.