Loyiha matni 49901-(61999)

project.gov.uz
06.06.2022
128
Ushbu moddaning uchinchi qismi uchinchi – oltinchi xatboshilarida koʻrsatilgan idora va
tashkilotlar tegishli xabarnoma tushgan kundan boshlab besh ish kuni ichida oʻzlarining maʼlumotlar
bazalarida tadbirkorlik subyekti-yuridik shaxs toʻgʻrisida mavjud boʻlgan maʼlumotlarni Tizim orqali
taqdim etadi.
Davlat soliq xizmati organi ushbu moddaning birinchi qismida koʻrsatilgan yuridik shaxslar
boʻyicha:
1) quyidagilarni:
tadbirkorlik subyekti-yuridik shaxs haqiqatda moliya-xoʻjalik faoliyatini amalga
oshirmaganligini;
mol-mulki mavjudligini;
yuridik va faoliyat koʻrsatish manzilida mavjudligini;
tadbirkorlik subyekti-yuridik shaxsning barcha qarzdorliklari (2-son kartotekasi) tahlilini;
soliq va yigʻimlar boʻyicha qarzdorligi mavjudligini;
2) muassis (ishtirokchi)larining turar joyini aniqlash va ularni tugatish jarayoniga jalb qilish
choralarini koʻradi;
3) moliya-xoʻjalik faoliyatini amalga oshirmayotgan tadbirkorlik subyekti-yuridik shaxslar
muassis (ishtirokchi) lariga tadbirkorlik subyekti-yuridik shaxsni ixtiyoriy tugatishni taklif etadi.
Tadbirkorlik subyekti-yuridik shaxsni oʻn ish kunida ixtiyoriy tugatishga kirishmagan, tadbirkorlik
subyekti-yuridik shaxs muassis (ishtirokchi)lari ixtiyoriy tugatishni amalga oshirishni rad etgan,
shuningdek, koʻrsatib oʻtilgan shaxslarni aniqlash mumkin boʻlmagan taqdirda, ushbu Kodeksning 256-
moddasida nazarda tutilgan tadbirlarni amalga oshiradi;
4) tadbirkorlik subyekti-yuridik shaxsning muhri, shtamplarini (agar mavjud boʻlsa), davlat
roʻyxatidan oʻtkazilganligi toʻgʻrisidagi guvohnomani, shuningdek, mavjud boʻlsa tovar belgisining
roʻyxatdan oʻtkazilganligi toʻgʻrisidagi guvohnomani tadbirkorlik subyekti-yuridik shaxsni roʻyxatdan
oʻtkazgan organga topshirtirish choralarini koʻradi;
5) yigʻilgan va mavjud maʼlumotlar asosida tadbirkorlik subyekti-yuridik shaxsning faoliyatini
kameral soliq tekshiruvidan oʻtkazadi.