Loyiha matni 49901-(61999)

251-modda. Tadbirkorlik subyekti-yuridik shaxsning tugatish balansini tuzish
Tugatuvchi:
kreditorlar bilan hisob-kitoblar tugallangandan, shuningdek, tadbirkorlik subyekti-yuridik shaxs
qarzdor sifatida ishtirok etgan ijro hujjatlari amalda ijro etilgandan keyin;
soliq va yigʻimlar, moliyaviy jarimalar summasi, shu jumladan, tekshirishlar yakunlari boʻyicha
hisoblangan summalar toʻlangandan keyin;
tadbirkorlik subyekti-yuridik shaxsning mol-mulki mulkka egalik qilish yuzasidan buyumlar
boʻyicha huquqlarga yoki ushbu tadbirkorlik subyekti-yuridik shaxsga nisbatan majburiyatlar boʻyicha
huquqlarga ega boʻlgan muassis (ishtirokchi)lar oʻrtasida taqsimlangandan keyin tugatish balansi
loyihasini tuzadi.

---

project.gov.uz
06.06.2022
125
Tugatish balansi tadbirkorlik subyekti-yuridik shaxs muassis (ishtirokchi)lari tomonidan
tasdiqlanadi va davlat soliq xizmati organiga topshiriladi. Tugatuvchi tugatilayotgan tadbirkorlik
subyekti-yuridik shaxs qarzdor sifatida ishtirok etgan va ijro etilmagan ijro hujjatlarining ish yurituvida
mavjudligi yuzasidan Byuroga soʻrov yuboradi.
Tugatish balansi qabul qilingandan keyin davlat soliq xizmati organi tadbirkorlik subyekti-
yuridik shaxsning soliq va yigʻimlar boʻyicha qarzi mavjud boʻlmagan taqdirda, bir ish kuni mobaynida
soliq va yigʻimlar boʻyicha qarzi yoʻqligi toʻgʻrisida xulosani tugatuvchiga hamda Tizim orqali
roʻyxatdan oʻtkazuvchi organga yuboradi.
Byuro tadbirkorlik subyekti-yuridik shaxs qarzdor sifatida ishtirok etgan va ijro etilmagan ijro
hujjati uning ish yurituvida mavjud boʻlmagan taqdirda, ijro etilmagan tegishli ijro hujjati ish yurituvida
mavjud emasligi haqida tugatuvchiga hamda Tizim orqali roʻyxatdan oʻtkazuvchi organga uch ish kuni
mobaynida xabarnoma yuborishi shart.
Davlat soliq xizmati organi tomonidan taqdim etilgan tadbirkorlik subyekti-yuridik shaxsning
soliq va yigʻimlardan qarzi yoʻqligi toʻgʻrisidagi xulosasi, shuningdek, ijro etilmagan tegishli ijro hujjati
ish yurituvida mavjud emasligi haqida Byuroning xabarnomasi olingandan keyin tugatuvchi tadbirkorlik
subyekti-yuridik shaxsning asosiy hisobvaragʻi ochilgan bankka uni yopish toʻgʻrisida murojaat qiladi.
Bank bir ish kuni mobaynida tadbirkorlik subyekti-yuridik shaxsga tegishli boʻlgan hisobvaraqni yopadi
va tugatuvchiga asosiy hisobvaragʻi yopilganligi toʻgʻrisida maʼlumotnoma beradi.
Tadbirkorlik subyekti-yuridik shaxsning hisobvaraqlari xatlangan boʻlsa, ularning yopilishiga
yoʻl qoʻyilmaydi. Bunda tugatuvchi 2-son kartoteka boʻyicha qarzdorlikni toʻlash (qaytarish) va xatlashni
bekor qilish choralarini koʻradi.