Loyiha matni 49901-(61999)

shaxsni ixtiyoriy tugatish toʻgʻrisidagi xabarnomani olgandan soʻng vakolatli organlar tomonidan
amalga oshiriladigan ishlar
Byuroning tuman (shahar) boʻlimi roʻyxatdan oʻtkazgan organning xabarnomani olgan sanadan
boshlab oʻn kundan kechiktirmay ish yuritishda tugatilayotgan tadbirkorlik subyekti-yuridik shaxs
qarzdor sifatida ishtirok etayotgan ijro hujjati mavjudligini belgilangan tartibda aniqlaydi. Tegishli ijro
hujjati mavjud boʻlgan taqdirda, davlat ijrochisi qonunda belgilangan tartibda ijro ishini tugallaydi va
belgilangan tartibda tugatishni amalga oshirish uchun ijro hujjatini tugatuvchiga yuboradi.
Tugatilayotgan tadbirkorlik subyekti-yuridik shaxs davlat roʻyxatidan oʻtkazilgan joydagi davlat
soliq xizmati organi roʻyxatdan oʻtkazuvchi organ tomonidan Tizim orqali xabardor qilingan kundan
boshlab uch ish kuni mobaynida tadbirkorlik subyekti-yuridik shaxsning moliya-xoʻjalik faoliyatini
Ushbu Kodeksning 17-bobida belgilangan tartibda tekshirishga kirishadi, uning muddati oʻttiz kalendar
kundan oshmasligi kerak.
Tekshirishda tadbirkorlik subyekti-yuridik shaxsning oxirgi tekshirish oʻtkazilgan sanadan
boshlab (tadbirkorlik subyekti-yuridik shaxsni tekshirish davlat roʻyxatidan oʻtkazilgan sanadan boshlab

---

project.gov.uz
06.06.2022
123
amalga oshirilmagan boʻlsa – davlat roʻyxatidan oʻtkazilgan sanadan boshlab) tadbirkorlik subyekti-
yuridik shaxsni tugatish toʻgʻrisida qaror qabul qilinganligi haqida roʻyxatdan oʻtkazgan organ xabardor
qilingan sanagacha boʻlgan davr mobaynidagi moliya-xoʻjalik faoliyati qamrab olinadi, biroq ushbu davr
uch yildan oshmasligi zarur.
Tekshirish ushbu moddaning ikkinchi va uchinchi qismlarida belgilangan muddatda
tugallanmagan taqdirda, tadbirkorlik subyekti-yuridik shaxsning soliq va yigʻimlar boʻyicha qarzi
tugatuvchi taqdim etgan hisob-kitoblarga binoan aniqlanadi.
Tekshirish yakuniga koʻra soliq toʻgʻrisidagi qonun hujjatlari buzilishi holatlari aniqlangan
taqdirda davlat soliq xizmati organi qonun hujjatlariga muvofiq choralar koʻradi.
Davlat roʻyxatidan oʻtkazilgan vaqtdan boshlab moliya-xoʻjalik faoliyatini amalga oshirmagan
hamda soliq qarzi mavjud boʻlmagan tadbirkorlik subyekti-yuridik shaxsning moliya-xoʻjalik faoliyati
tekshirilmaydi.