Loyiha matni 49901-(61999)

239-modda. Tadbirkorlik subyektlari – yuridik shaxslarni tugatish asoslari
Tadbirkorlik subyekti-yuridik shaxsni tugatish uning huquq va burchlari huquqiy vorislik
tartibida boshqa shaxsga oʻtmasdan bekor qilinishiga olib keladi.
Tadbirkorlik subyektlari – yuridik shaxs quyidagi hollarda tugatilishi mumkin:
uning muassis (ishtirokchi)larining yoki taʼsis hujjatlari bilan tugatishga vakolat berilgan yuridik
shaxs organining qaroriga muvofiq, shu jumladan yuridik shaxsning amal qilish muddati tugashi, uni
tashkil etishdan koʻzlangan maqsadga erishilganligi munosabati bilan yoki yuridik shaxsni tashkil qilish
chogʻida qonunchilik buzilishiga yoʻl qoʻyilganligi sababli, agar bu buzilishlarni bartaraf etib boʻlmasa,

---

project.gov.uz
06.06.2022
118
sud yuridik shaxsni roʻyxatdan oʻtkazishni haqiqiy emas deb topganida;
faoliyati litsenziyasiz, ruxsat etish xususiyatiga ega hujjatsiz va vakolatli organni xabardor
etmasdan amalga oshirilgan yoki qonunda taqiqlangan faoliyat amalga oshirilgan taqdirda, agar
qonunchilikda boshqacha qoida nazarda tutilmagan boʻlsa, shuningdek ushbu Kodeksda nazarda tutilgan
boshqa hollarda sudning qaroriga koʻra;
moliya-xoʻjalik faoliyati amalga oshirilmaganligi sababli belgilangan tartibda harakatsiz rejimga
oʻtkazilgan paytdan eʼtiboran uch yil ichida faoliyat tiklanmagan taqdirda roʻyxatdan oʻtkazuvchi
organning qaroriga koʻra.
Sudning tadbirkorlik subyekti-yuridik shaxsni tugatish toʻgʻrisidagi qarorida uning muassis
(ishtirokchi)lari yoxud yuridik shaxsning taʼsis hujjatlari bilan uni tugatishga vakil qilingan organ
zimmasiga yuridik shaxsni tugatishni amalga oshirish vazifasi yuklatilishi mumkin.
240-modda. Tadbirkorlik subyekti-yuridik shaxsni tugatish turlari
Tadbirkorlik subyekti-yuridik shaxsni tugatish uni sud tomonidan bankrot deb topish, ixtiyoriy
tugatish yoki moliya-xoʻjalik faoliyatini amalga oshirmayotgan tadbirkorlik subyektlarini Reyestrdan
chiqarish orqali amalga oshiriladi.