Loyiha matni 49901-(61999)

235-modda. Tadbirkorlik subyekti-yakka tartibdagi tadbirkor faoliyatini toʻxtatib turish
Tadbirkorlik subyekti-yakka tartibdagi tadbirkor (yuridik shaxs boʻlmagan oilaviy tadbirkorlik
subyekti va dehqon xoʻjaligi) oʻz faoliyatini muayyan muddatga toʻxtatib turishi mumkin.
Tadbirkorlik subyekti-yakka tartibdagi tadbirkor (yuridik shaxs boʻlmagan oilaviy tadbirkorlik
subyekti va dehqon xoʻjaligi) oʻz faoliyatini toʻxtatguniga qadar roʻyxatdan oʻtkazuvchi organga yoki
Tizim orqali faoliyatni toʻxtatib turish toʻgʻrisida ariza beradi. Bunda xodimlarni yollagan holda
tadbirkorlik faoliyatini amalga oshiruvchi tadbirkorlik subyekti-yakka tartibdagi tadbirkorning (yuridik
shaxs boʻlmagan oilaviy tadbirkorlik subyekti va dehqon xoʻjaligi) har bir yollangan xodimiga oid

---

project.gov.uz
06.06.2022
116
maʼlumotlar “Yagona milliy mehnat tizimi” idoralararo dasturiy-apparat kompleksi orqali soliq organiga
avtomatik tarzda yuboriladi.
Tadbirkorlik subyekti-yakka tartibdagi tadbirkorning (yuridik shaxs boʻlmagan oilaviy
tadbirkorlik subyekti va dehqon xoʻjaligining) faoliyati toʻxtatib turilganligi yoki qayta tiklanganligi
toʻgʻrisidagi arizani olgan roʻyxatdan oʻtkazuvchi organ navbatdagi ish kuni tugaguniga qadar soliq
organlariga tadbirkorlik subyekti – yakka tartibdagi tadbirkorning (yuridik shaxs boʻlmagan oilaviy
tadbirkorlik subyekti va dehqon xoʻjaligining) faoliyati toʻxtatib turilganligi yoki qayta tiklanganligi
toʻgʻrisida Tizim orqali axborot taqdim etadi.
Tadbirkorlik subyekti-yakka tartibdagi tadbirkorning (yuridik shaxs boʻlmagan oilaviy
tadbirkorlik subyekti va dehqon xoʻjaligining) faoliyatini toʻxtatib turish soliq hisobotlarini taqdim
etishni, oʻziga va har bir xodimiga nisbatan soliq hisoblashni toʻxtatib turish uchun asos boʻladi.
Ushbu moddaning birinchi – toʻrtinchi qism talablari sud, tergov organlarining qaroriga asosan
yakka tartibdagi tadbirkor - jismoniy shaxsning qamoqqa olingan (ushlangan) va ozodlikdan mahrum
qilingan holatlarga ham tatbiq etiladi. Bunda, mazkur maʼlumotlar roʻyxatdan oʻtkazuvchi organ
tomonidan oʻzaro axborot almashish tizimi orqali sud, tergov organlaridan olinadi.