Loyiha matni 49901-(61999)

project.gov.uz
06.06.2022
114
19-bob. Oʻzini-oʻzi tartibga soluvchi tashkilotga majburiy aʼzolik (ishtirok etish) asosida oʻzini-
oʻzi boshqarish
230-modda. Oʻzini-oʻzi boshqarishni joriy etish va uning turlari
Tadbirkorlikni amalga oshirishda tadbirkorlik subyektlarining oʻzini-oʻzi boshqaruvchi
tashkilotlarga majburiy aʼzoligi (ishtiroki) asosida oʻzini-oʻzi boshqarish joriy etilishi mumkin.
Oʻzini-oʻzi boshqaruvchi tashkilotga majburiy aʼzolik (ishtirok etish) asosida oʻzini-oʻzi
boshqarishni joriy etishdan oldin tegishli sohani tartibga soluvchi davlat organi va tashkilotlari tomonidan
tartibga solish taʼsiri baholanishi lozim.
Oʻzini-oʻzi boshqaruvchi tashkilotlarni tashkil etish va faoliyat yuritishi bilan bogʻliq
munosabatlar Oʻzbekiston Respublikasining oʻzini-oʻzi tartibga solish toʻgʻrisidagi qonun hujjatlari bilan
tartibga solinadi.
231-modda. Oʻzini-oʻzi boshqarishni joriy etishning maqsadlari
Quyidagilar oʻzini-oʻzi boshqarishni joriy etishning asosiy maqsadlari hisoblanadi:
tadbirkorlik subyektlari faoliyatiga davlat aralashuvini hamda ularning faoliyatini davlat
tomonidan tartibga solishni qisqartirish;
tadbirkorlik subyektlarining ishlab chiqarilgan tovarlari (koʻrsatilgan xizmatlari, bajarilgan
ishlari) sifatini va isteʼmolchilar oldidagi masʼuliyatini oshirish;
tadbirkorlik subyektlari faoliyatida yuqori standartlarni shakllantirish va ushlab turishni
taʼminlash;
tadbirkorlik subyektlari va davlat organlari oʻrtasidagi munosabatlarda tadbirkorlik subyektlari
nomidan vakillik qilish va ularning himoyasini taʼminlash;
tovar (ish, xizmat)larning sifati va raqobatbardoshligini oshirish;
mahalliy iqtisodiyot tarmoqlarining raqobatbardoshligini oshirish.
232-modda. Oʻzini-oʻzi boshqarishni joriy etishdagi cheklovlar
Milliy va davlat xavfsizligi, mudofaa va jamoat tartibini saqlash sohasida oʻzini-oʻzi
boshqarishni joriy etish hamda oʻzini-oʻzi boshqaruvchi tashkilotlarni tuzish taqiqlanadi.