Loyiha matni 49901-(61999)

222-modda. Tekshiruvni oʻtkazish boʻyicha nazorat qiluvchi organlarning faoliyati
samaradorligini baholash

---

project.gov.uz
06.06.2022
110
Tekshiruvni oʻtkazish boʻyicha nazorat qiluvchi organlarning faoliyati samaradorligini baholash
vakolatli organ tomonidan amalga oshiriladi. Tadbirkorlik subyektlari faoliyatida tekshiruvni oʻtkazish
boʻyicha nazorat qiluvchi organlarning faoliyati samaradorligi quyidagi mezonlarga muvofiq belgilanadi:
tekshiruv oʻtkazish tashabbusining asosliligi va qonuniyligi;
nazorat qiluvchi organlar va ularning mansabdor shaxslari tomonidan tadbirkorlik subyektlari
faoliyatini davlat tomonidan nazorat qilish toʻgʻrisidagi qonunchilik hujjatlarining talablariga rioya
etilishi;
tekshiruv natijalari boʻyicha nazorat qiluvchi organlar qarorlarining asosliligi va qonuniyligi.
Tadbirkorlik subyektlari faoliyatida tekshiruvni oʻtkazish boʻyicha nazorat qiluvchi organlarning
faoliyati samaradorligini aniqlangan huquqbuzarliklar, qoʻllanilgan huquqiy taʼsir choralar hamda davlat
daromadiga undirilgan tadbirkorlik subyektlarining mol-mulklarining soni boʻyicha baholashga yoʻl
qoʻyilmaydi.
Nazorat qiluvchi organlarning faoliyati samaradorligini baholash natijalari vakolatli organ
tomonidan ommaviy axborot vositalarida eʼlon qilinishi mumkin.
17-bob. Raqobatni himoya qilish va monopoliyani cheklash
223-modda. Raqobatga oid davlat siyosati
Raqobatga oid davlat siyosatining asosiy maqsadi tovar, moliya yoki raqamli bozorlarda
raqobatni himoya qilish orqali tadbirkorlik faoliyatini rivojlantirish, mulkchilik shaklidan qatʼi nazar
bozorda teng shart-sharoitlarni yaratish, Oʻzbekiston Respublikasi hududida tovar (ish, xizmat)larning
erkin harakatlanishi va iqtisodiy faoliyat erkinligini taʼminlash hisoblanadi.
Tovar, moliya va raqamli bozorlarda sogʻlom raqobat muhitini taʼminlashdagi davlat siyosati
quyidagilarni oʻz ichiga oladi:
davlatning iqtisodiyotdagi ishtirokini kamaytirish;
bozorda xususiy tadbirkorlik subyektlari yetarli darajada mavjud boʻlgan holda davlat
ishtirokidagi korxonalarni tashkil etilishiga yoʻl qoʻymaslik;
davlat boshqaruvi organlari, mahalliy davlat hokimiyati organlari va yuridik shaxslar
birlashmalari tomonidan bozorining normal faoliyat koʻrsatishiga, raqobatni rivojlantirishga toʻsqinlik
qiluvchi hamda isteʼmolchilarning huquqlari va qonuniy manfaatlarini kamsituvchi harakatlariga yoʻl
qoʻymaslik;
bozorda sogʻlom raqobat muhitiga salbiy taʼsir koʻrsatishi mumkin boʻlgan davlat imtiyozlari,
preferensiyalar, yengilliklar va mutlaq huquqlar berilishiga yoʻl qoʻymaslik.