Loyiha matni 49901-(61999)

217-modda. Tadbirkorlik subyektining shikoyatini koʻrib chiqish
Tadbirkorlik subyektining shikoyatini yuqori turuvchi organ tomonidan koʻrib chiqilishi qonun
hujjatlarida belgilangan tartibda amalga oshiriladi.
Shikoyatni koʻrib chiqishda yuqori turuvchi organning mansabdor shaxsi murojaat etuvchining
shaxsiy ishtirokini taʼminlashi shart.
Shikoyatni koʻrib chiqish natijalari boʻyicha yuqori turuvchi organ quyidagi qarorlardan birini
qabul qiladi:
1) shikoyat qilinayotgan qaror, harakat yoki harakatsizlikni qonuniy deb topadi;
2) shikoyat qilinayotgan qaror, harakat yoki harakatsizlikni toʻliq yoki qisman noqonuniy deb
topadi.
Shikoyat qilinayotgan qaror, harakat yoki harakatsizlikni noqonuniy deb topilganda, yuqori
turuvchi organ:
1) qabul qilingan qarorni toʻliq yoki qisman bekor qiladi va mustaqil ravishda yangi qaror qabul
qiladi;
2) sodir etilgan qoidabuzarliklarni bartaraf etish maqsadida bajarilishi zarur boʻlgan harakatlar
doirasini belgilaydi, yoki bunday harakatlarni oʻzi mustaqil bajaradi, agar ularning amalga oshirilishi
uning vakolatiga kirsa.
Nazorat qiluvchi organlarning mansabdor shaxslari tomonidan ushbu Kodeks talablariga rioya
etilmasligi, yuqori turuvchi organ tomonidan nazorat qiluvchi organning tekshiruv natijalari boʻyicha
qarorini bekor qilinishi va ushbu qarorni haqiqiy emas deb topilishi uchun asos boʻlishi mumkin.

---

project.gov.uz
06.06.2022
108
Sud tomonidan nazorat qiluvchi organning qarorini haqiqiy emas deb topilishi, yuqori turuvchi
organ tomonidan nazorat qiluvchi organning qarorini bekor qilish uchun asos boʻladi.
Tekshiruv natijalari boʻyicha nazorat qiluvchi organning qarori bekor qilingan yoki haqiqiy emas
deb topilgan taqdirda, ushbu qaror bilan belgilangan barcha holat va dalillar haqiqiy emas deb
hisoblanadi.
Shikoyatni koʻrib chiqish natijalari boʻyicha tadbirkorlik subyektiga uning shikoyatini koʻrib
chiqish natijalari yuzasidan qabul qilingan qaror nusxasi yuboriladi, shuningdek uning ustidan shikoyat
qilish tartibi tushuntiriladi.
Vakolatli davlat organlari qonunchilik talablarini buzgan aybdor mansabdor shaxslarga nisbatan
koʻrilgan choralar toʻgʻrisida tegishli choralar koʻrilgan kundan eʼtiboran uch kun mobaynida huquqlari
va qonuniy manfaatlari buzilgan tadbirkorlik subyektiga xabar berishlari shart.