Loyiha matni 49901-(61999)

214-modda. Nazorat qiluvchi organning tekshiruv materiallarini koʻrib chiqish natijalari
boʻyicha qarori
Tekshiruv materiallarini koʻrib chiqish natijalari boʻyicha nazorat qiluvchi organning rahbari

---

project.gov.uz
06.06.2022
106
yoki rahbar oʻrinbosari nazorat qiluvchi organning vakolatlari doirasida qaror qabul qiladi.
Nazorat qiluvchi organning qarori, uning mansabdor shaxsining harakatlari obyektiv boʻlishi va
ishonchli maʼlumotlarga ega boʻlgan haqiqiy maʼlumot va hujjatlar bilan tasdiqlanishi lozim.
Nazorat qiluvchi organning tekshiruv materiallarini koʻrib chiqish boʻyicha qarorida quyidagilar
nazarda tutilishi mumkin:
dalolatnoma va tekshiruv natijalarini tasdiqlash, shu jumladan tekshiruvda tadbirkorlik subyekti
tomonidan huquqbuzarliklar sodir etilganligi holatini qayd etish yoki uni rad etish;
tadbirkorlik subyekti va (yoki) uning mansabdor shaxslarini huquqbuzarlik sodir etgani uchun
javobgarlikka tortish yoki uni rad etish;
favqulodda vaziyatlar, epidemiyalar hamda aholining hayoti va sogʻligʻi uchun boshqa haqiqiy
xavf yuzaga kelishining oldini olish munosabati bilan tadbirkorlik subyekti tomonidan huquqbuzarliklar
bartaraf etilgunga qadar faoliyatni oʻn ish kunidan koʻp boʻlmagan muddatga, shuningdek favqulodda
holat joriy etilgan davr mobaynida cheklash va toʻxtatib turish;
aniqlangan huquqbuzarliklarni bartaraf etish, yetkazilgan ziyon va (yoki) zararni qoplash hamda
takroran huquqbuzarliklarga yoʻl qoʻymaslik boʻyicha choralarni koʻrish boʻyicha tadbirkorlik
subyektiga majburiyatni yuklash;
jinoyat alomatlari aniqlangan taqdirda tekshiruv materiallarini huquqni muhofaza qiluvchi
idoralarga yuborish.
Qarorda belgilangan muddatlar qarorni ijro etish uchun mutanosib boʻlishi lozim.
Tekshiruv natijalari va nazorat qiluvchi organning vakolatlaridan kelib chiqib, qarorda boshqa
maʼlumotlar ham koʻrsatilishi mumkin.
Tekshiruv materiallarini koʻrib chiqish natijalari boʻyicha nazorat qiluvchi organining qarori
nusxasi qaror qabul qilingan kundan eʼtiboran ikki ish kunidan oshmaydigan muddatda tilxat olish orqali
yoki uni olgan sanasini tasdiqlovchi boshqa usul orqali tadbirkorlik subyekti rahbari yoki uning oʻrnini
bosuvchi shaxs hamda yakka tartibdagi tadbirkorga topshiriladi. Agar tadbirkorlik subyekti rahbari yoki
uning oʻrnini bosuvchi shaxs hamda yakka tartibdagi tadbirkorga qaror nusxasini topshirishning imkoni
boʻlmasa, u pochta orqali buyurtma xat bilan joʻnatiladi va joʻnatilganidan eʼtiboran uch kun oʻtgach,
topshirilgan hisoblanadi.