Loyiha matni 49901-(61999)

18-bob. Axborot vositalari

---

project.gov.uz
06.06.2022
113
227-modda. Axborot vositalarini joriy etish
Axborot vositalari deganda davlat organlari va tashkilotlariga yoki normativ-huquqiy hujjatlarda
belgilangan boshqa shaxslarga tadbirkorlik subyektlari tomonidan taqdim etiladigan axborotlar
tushuniladi.
Axborot vositalari qonunchilik hujjatlarida toʻgʻridan-toʻgʻri koʻrsatilgan hollardagina joriy
etiladi. Tadbirkorlik subyektlari tomonidan davlat organlari va tashkilotlariga faqatgina Axborot
vositalari roʻyxatiga kiritilgan axborot vositalari taqdim etiladi. Tadbirkorlik subyektlaridan Axborot
vositalari roʻyxatiga kiritilmagan axborot vositalarini talab qilinishiga yoʻl qoʻyilmaydi.
228-modda. Axborot vositalari turlari
Axborot vositalari quyidagi turlarga boʻlinadi:
1) davlat organlariga muntazam ravishda taqdim etiladigan davriy hisobotlar;
2) davlat organining tashabbusi bilan taqdim etiladigan axborotlar, bundan davlat organlariga
davlat nazoratini amalga oshirilayotgan vaqtda taqdim etiladigan axborotlar mustasno;
3) qonunchilik hujjatlarida nazarda tutilgan hollarda davlat organlariga bir martalik taqdim
etiladigan axborotlar;
4) Oʻzbekiston Respublikasining qonun hujjatlarida toʻgʻridan – toʻgʻri uchinchi shaxslarga
berilishi nazarda tutilgan axborotlar.
229-modda. Axborot vositalarini taqdim etish tartibi
Axborot vositalari avtomatlashtirilgan holda faqat axborot tizimlari orqali elektron shaklda
taqdim etiladi. Avtomatlashtirilgan holda taqdim etish imkoniyati joriy etilmagan va taʼminlanmagan
hollarda davlat organlari va tashkilotlari tomonidan axborot vositalari taqdim etilishini talab qilish
taqiqlanadi.
Axborot vositalarini joriy etishni nazarda tutuvchi qonunchilik hujjatlari kuchga kirganidan
soʻng, tegishli sohani tartibga soluvchi davlat organi yoki tashkiloti Axborot vositalari roʻyxatiga tegishli
oʻzgartirish kiritish yuzasidan takliflarni belgilangan tartibda Oʻzbekiston Respublikasi Iqtisodiy
taraqqiyot va kambagʻallikni qisqartirish vazirligiga kiritishi zarur.
Tadbirkorlik subyektlari tomonidan davlat organlari
va tashkilotlariga taqdim etiladigan axborot vositalari roʻyxati
Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi tomonidan
tasdiqlanadi.

---