Loyiha annotasiyasi

Tadqiqotning ilmiy yangiligi quyidagilar bilan belgilanadi:

1. 
   maktabgacha yoshdagi bolalarga rivojlanish markazlarida ta’lim va tarbiya berish bo‘yicha elektron ma’lumotlar bazasini o‘z ichiga olgan dasturiy mahsulot yaratiladi;
   
2. 
   maktabgacha yoshdagi bolalarga rivojlanish markazlarida ta’lim va tarbiya berish, ularni markazlardagi faolliklariga qarab qiziqishlarini erta aniqlash, xohish-istaklariga qarab markazlarda ishlashga imkon beruvchi, tarbiyachilarni markazlarda ishlashlari uchun elektron o‘quv qo‘llanmalarni o‘z ichiga olgan elektron portal va uning interfeyslari ishlab chiqiladi;
   
3. 
   maktabgacha yoshdagi bolalarga til va nutq, fan va tabiat, qurish, konstruksiyalash va matematika, san’at, syujetli-rolli o‘yinlar va sahnalashtirish, musiqa va ritmika markazlarida ta’lim-tarbiya olishlari uchun jihozlar bilan ta’minlash va tarbiyachi tomonidan ta’lim jarayonini tashkil etish bo‘yicha interaktiv elektron qo‘llanmalar yaratiladi;
   
4. 
   maktabgacha yoshdagi bolalarni qiziqishlari, layoqatlari ota-onalar bilan suhbatlashgan holda o‘rganiladi, maktabgacha ta’lim tashkilotining barcha pedagog xodimlari bilan hamkorlikda bolalarning imkoniyatlari tahlil qilinadi. Markazlardagi faoliyatni kuzatgan holda bolalarni kasbga bo‘lgan qiziqishlarini erta aniqlash imkoni yaratiladi.
   
5. 
   maktabgacha ta’lim tashkilotida rivojlantiruvchi markazlar faoliyatini tashkil etish va metodik ta’minlashga qaratilgan yagona ma’lumotlar bazasi va elektron portal ishlab chiqiladi;
   
6. 
   ota-onalar uchun bolani ilk davrlaridanoq rivojlantirishga qaratilgan amaliy va metodik tavsiya va ko‘rsatmalar bazasi tuzilib, elektron portalga joylashtiriladi.
   

3. 
   Muammoning yechimini ta’minlash bo‘yicha taklif etilayotgan usul va yondashuvlar
   

Tadqiqotda belgilangan vazifalarni amalga oshirish uchun rivojlantiruvchi markazlarda tarbiyachi tomonidan amalga oshiriladigan ta’lim-tarbiya jarayonini sifatli tashkil etish, “Ilk qadam” maktabgacha ta’lim muassasasining Davlat o‘quv dasturi, “O‘zbekiston Respublikasida maktabgacha ta’lim tizimini 2030 yilgacha rivojlantirish Konsepsiyasi” metodologik asos bo‘lib xizmat qiladi.
Tadqiqotda quyidagi usul va metodlardan foydalaniladi:

• 
  test, so‘rovnoma, anketa, proyektiv metodika usullaridan;
  
• 
  maktabgacha yoshdagi bolalarning qabul qilish, o‘rganish, bilish jarayonlarini rivojlantirish, ularda har bir markaz faoliyatidagi bilimlarini kengaytirish va anglash bo‘yicha metodlardan;
  

17

• 
  matematik statistika metodlaridan foydalaniladi;
  
• 
  guruhiy va individual ishlash tadqiqotlarni o‘tkaziladi;
  
• 
  maktabgacha yoshdagi bolalarning individual psixologik xususiyatlarini hisobga olgan holda korreksion rivojlantiruvchi dasturlar tuziladi;
  
• 
  ota-onalarga bolalarning maktabgacha ta’lim tashkilotida olgan bilimlarini mustahkamlash bo‘yicha tavsiyalar ishlab chiqiladi;
  

Tadqiqot oldiga qo‘yilgan vazifalarni amalga oshirish, ilmiy tadqiqot ishlarini o‘tkazish natijasida elektron portal va android uchun mobil ilova yaratiladi. Ularning har ikkisining maqsad va vazifalari mushtarak bo‘lib, shartli ravishda “Kelajak avlod” deb nomlandi. Elektron portal va android uchun mobil ilova maktabgacha ta’lim-tarbiya yoshidagi bolalarning kognitiv jarayonlari, hissiy- irodaviy sohasi hamda individual psixologik xususiyatlari diagnostikasi va korreksiyasini uy sharoitida ota-ona, maktabgacha ta’lim tashkilotida tarbiyachi tomonidan muvaffaqiyatli amalga oshirishga mo‘ljallangan.
Elektron portal - sahifasida foydalanuvchini sun’iy inttellekt kutib oladi va savol beradi: “SIZ KIMSIZ?” va savol tagida 2 ta obraz taklif etiladi:

1. 
   Tarbiyachi.
   
2. 
   Ota-ona.
   

Maktabgacha yoshdagi bolalar o‘zlari mustaqil ravishda mobil qurilma yoki internetdan foydalana olmasligi, shuningdek bolaning natijasi kattalarning qiziqishiga bog‘liqligini hisobga olib, ikkita obraz yaratilishi rejalashtirilgan.
Foydalanuvchi tomonidan u yoki bu obraz tanlangandan keyin yangi interfeys hosil bo‘ladi. Interfeyslar quyidagi ikkita banddan iborat:

• 
  “Zukko bolajon” - til va nutq, fan va tabiat, qurish, konstruksiyalash va matematika, san’at, syujetli-rolli o‘yinlar va sahnalashtirish, musiqa va ritmika markazlaridagi jihozlardan foydalanish bo‘yicha elektron ma’lumotlar bazasi