Loyiha annotasiyasi

1.5 Kutilayotgan natijalar va ularning ahamiyati
Mazkur loyihada quyidagi to‘rtta yo‘nalishda tadqiqotlar amalga oshiriladi:
Ilmiy - maktabgacha ta’lim tashkilotlari pedagog-tarbiyachilarining amaldagi faoliyati (lavozim vazifalari, normativ-huquqiy va metodik hujjatlari) pedagog- xodimlar, bolalar va ota-onalar bilan ishlash rejasi, bolalar bilan yakka ishlash usuli, treninglar banki tahlil etiladi;
rivojlanish markazlarini tashkil etishning samarali usul va mexanizmlari ishlab chiqiladi;
maktabgacha ta’lim tashkilotida rivojlanish markazlarida olib boriladigan faoliyat, foydalaniladigan har bir detal ilmiy tahlil qilinadi;
bolani ta’limning keyingi bosqichiga tayyorlash ishlarini yanada samarali tashkil etish uchun trening va syujetli-rolli o‘yinlar dasturlari, o‘yin tamoyiliga asoslangan interaktiv qo‘llanmalar va materiallar bazasining mavjudlari takomillashtiriladi hamda yangilari ishlab chiqiladi.
Texnologik - yagona ma’lumotlar bazasi va elektron platforma yaratiladi;




maktabgacha ta’lim tashkilotida rivojlantiruvchi muhitda ta’limiy faoliyat bilan bog‘liq mavjud va ishlab chiqilgan normativ-huquqiy hamda tashkiliy-metodik hujjatlar yagona ma’lumotlar bazasi va elektron platformaga joylashtiriladi.
Ijtimoiy-iqtisodiy - bolalarning ijodiy qobiliyatlarini rivojlantirish texnologiyasining yagona ma’lumotlar bazasi va elektron platforma har tomonlama yetuk barkamol avlodni tarbiyalashga xizmat qiladi;
bolalarning til va nutq, fan va tabiat, qurish, konstruksiyalash va matematika, san’at, syujetli-rolli o‘yinlar va sahnalashtirish, musiqa va ritmika yo‘nalishlarida rivojlanishini aniqlash imkonini beradi.
Tijoratlashtirish istiqbollari - loyiha natijasida yaratilgan mahsulot respublika maktabgacha ta’lim boshqarmalarida taqdimot qilinadi. Xususiy bolalar bog‘chalari tomonidan mahsulotni sotib olish imkoniyati yaratiladi.

6. 
   Ijrochi tashkilot va loyiha ishtirokchilarining loyihani bajarishdagi imkoniyati va ustunligi:
   

Maktabgacha ta’lim tashkilotlari direktor va mutaxassislarini qayta tayyorlash va ularning malakasini oshirish instituti profeyesor-o‘qituvchilarida tadqiqotni amalga oshirish uchun yetarli ilmiy va metodik salohiyat mavjud:

1. 
   Maktabgacha ta’lim tashkilotlari direktor va mutaxassislarini qayta tayyorlash va ularning malakasini oshirish institutida respublikadagi barcha maktabgacha ta’lim tashkilotining pedagog xodimlari malaka oshiradilar va shu bilan birga, maktabgacha ta’lim mutaxassisligi bo‘yicha qayta tayyorlov kurslaridan o‘tadilar. Bu loyiha natijalarini amaliyotga joriy etish, tajriba-sinovdan o‘tkazish imkoniyati yuqoriligini ko‘rsatadi;
   

B) Loyiha ijrochilarining ilmiy salohiyati yuqori bo‘lib, unda 2 nafar fan nomzodi, 3 nafar falsafa fanlari doktori, 2 nafar institutning tayanch doktoranti va 2 nafar mustaqil izlanuvchisi bajarish uchun faoliyat yuritadilar. Shuningdek, loyiha rahbari va ijrochilar o‘z sohasining yetuk va kompetent mutaxassislaridir.

2. 
   Loyiha rahbari va a’zolarining maktabgacha ta’lim yoshdagi bolalarning ta’lim-tarbiyasini rivojlantirishga oid bir necha o‘quv qo‘llanmalari turli yillarda nashr etilgan hamda bir necha uslubiy qo‘llanmalari nashr etilgan bo‘lib, ulardan loyiha vazifalarini bajarishda foydalanish mumkin.
   

G) Loyiha rahbari va ishtirokchilarining loyihani boshqarish va ishtirok etish bo‘yicha tajribasi, ko‘nikma va malakalari shakllangan. Shu bilan birgalikda, amaliy loyihani amalga oshirish uchun respublikada faoliyat yuritayotgan malakali mutaxassislarni jalb etish ko‘zda tutilgan.
Ijrochi tashkilotda loyihani talab darajasida amalga oshirish uchun yetarli moddiy-texnik baza, ilmiy-tajriba maydoncha mavjud.

6.