Лойиҳа матни 13508-(15737)

ирригация
– ободонлаштириш объектларида кўкаламзорлаштириш ҳудудини суғориш, шу
жумладан сунъий суғориш тизими;
ташқи ёритиш
– сунъий ёритиш манбалари ёрдамида бинолар ва иншоотлар ташқарисида зарур
даражада ёритилганликни ва ёруғликни яратиш;
кўкаламзорлаштириш
– бу ҳудудни ободонлаштириш ва ландшафтини шакллантириш элементи
бўлиб, ўсимлик компонентларидан фаол фойдаланган ҳолда туман (шаҳар) муҳитининг
шаклланишини ҳамда туман (шаҳар)да олдин яратилган ёки олдиндан мавжуд бўлган табиий
муҳитни сақлашни таъминлаш;
ободонлаштириш объектлари
– кўчалар, айланма кўчалар, йўллар, марказий майдонлар,
йўлкалар, кўприклар, ер ости йўллари, йўловчилар ўтадиган ер ости йўллари, фавворалар,

---

project.gov.uz
08.05.2020
3
ариқлар, каналлар, дарёлар, кўллар ва бошқа сув ҳавзаларининг қирғоқлари, аҳолининг маданий-
маиший эҳтиёжлари ва ҳордиқ чиқаришини қондириш учун фойдаланиладиган объектлар
(маданият ва истироҳат боғлари, ўрмон массивлари, боғлар, бульварлар, хиёбонлар), ташқи
ёритиш, реклама паннолари, йўл кўрсаткичлари, пешлавҳалар, дренажлар, ирригация новлари
тармоқлари ва ташқи ёритиш тармоқлари.
2-боб. Ободонлаштириш объектларини қуриш ва барпо этишда
шаҳарсозлик нормалари ва қоидалари
3. Ободонлаштириш – тасдиқланган бош режага мувофиқ ишлаб чиқилган шаҳарсозлик
ҳужжатларини жорий этишнинг ажралмас босқичи ҳисобланади.
Ободонлаштириш ишлари туман (шаҳар) ободонлаштириш бошқармалари томонидан аҳоли
пунктларини ободонлаштириш бўйича тасдиқланган шаҳарсозлик ва лойиҳалаш ҳужжатлари
асосида амалга оширилади.
4. Ободонлаштириш бўйича лойиҳалаш ҳужжатлари туман (шаҳар)лар ободонлаштириш
бошқармаларининг буюртмалари асосида лойиҳалаш учун лицензияга эга бўлган ташкилотлар
томонидан ишлаб чиқилади.
Ободонлаштириш бўйича лойиҳалаш ҳужжатлари Қорақалпоғистон Республикаси, вилоятлар ва
Тошкент шаҳар қурилиш бошқармаларининг шаҳарсозлик кенгашлари томонидан тасдиқланади
5. Ободонлаштириш бўйича лойиҳалаш ҳужжатлари техник тартибга солиш соҳасидаги норматив
ҳужжатлар ва давлатлараро стандартларнинг талабларига мос келиши ва ўрнатилган тартибда
экспертизадан ўтказилиши лозим.