Лойиҳа матни 13508-(15737)

---

project.gov.uz
08.05.2020
1
НОРМАТИВ-ҲУҚУҚИЙ ҲУЖЖАТЛАР ЛОЙИҲАСИНИ
ИШЛАБ ЧИҚИШ ВА КЕЛИШИШНИНГ ЯГОНА
ЭЛЕКТРОН ТИЗИМИ
Лойиҳа
ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИ ҚАРОРИ
Аҳоли пунктларини ободонлаштириш, объектларни қуриш ва қайта таъмирланишини
лойиҳалаштириш, шунингдек уларни муҳофаза қилиш ва фойдаланишга оид қоидаларни
тасдиқлаш тўғрисида
ID-13508 (V-4)
Ўзбекистон Республикаси Президентининг “Аҳоли пунктларини ободонлаштириш соҳасида
ишлар самарадорлигини оширишга доир қўшимча чора–тадбирлар тўғрисида” 2019 йил 4
июндаги ПҚ–4351-сонли қарорига мувофиқ Вазирлар Маҳкамаси 
қарор қилади:
1. Қуйидагилар:
Аҳоли пунктларини ободонлаштириш, объектларини қуриш ва қайта таъмирланишини
лойиҳалаштириш қоидалари 1-иловага мувофиқ;
Аҳоли пунктларини ободонлаштириш, объектларини муҳофаза қилиш ва улардан фойдаланиш
қоидалари 2-иловага мувофиқ тасдиқлансин.
2. Ўзбекистон Республикаси Қурилиш вазирлиги икки ой муддатда аҳоли пунктларини
ободонлаштириш, объектларини қуриш ва қайта таъмирлаш лойиҳаларини ишлаб чиқиш
қоидаларига мувофиқ техник тартибга солиш соҳасидаги норматив ҳужжатларни ишлаб чиқсин ва
тасдиқласин.
3. Ўзбекистон Республикаси Уй-жой коммунал хизмат кўрсатиш вазирлиги манфаатдор
вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни
бир ой муддатда ушбу қарорга мувофиқлаштирсин.
4. Ўзбекистон Республикаси Ҳукуматининг 3-иловага мувофиқ айрим қарорлари ўз кучини
йўқотган деб ҳисоблансин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг
биринчи ўринбосари А.Ж.Раматов ва Ўзбекистон Республикаси Уй-жой коммунал хизмат
кўрсатиш вазири М.Х.Салиев зиммасига юклансин.