Личинка хордалилар (Urochordata) ¸ки šобиšлилар (Tunicata) кенжа типи

Eshitish organlari faqat ichki quloqdan, ya`ni pardali labirintdan iborat. Ichki quloq, ya`ni pardali labirint suyak kapsulasiga o`rnashgan. Tog’ayli baliqlarniki singari pardali labirint bo`shlig’i suyuqlik - endolimfa bilan to`lgan. Endolimfada mayda ohakli kristallar (eshitish toshchalar) otolitlar suzib yuradi. Bundan tashqari, endolimfada yana 3 ta yirik otolitlar ham bo`ladi. Umuman, eshitish organlari tashqaridan ko`rinmaydi, ular kalla suyagining orqa qismidagi suyaklarda o`ngda va chapda joylashgan. Suvning zichligi tufayli tovush to`lqinlari kalla suyaklari orqali yaxshi o`tadi va baliqlarning eshitish organlari orqali qabul qilinadi. Baliqlar qirg’oq bo`ylab ketayotgan odamning oyoq tovushini, qo`ng’iroq va o`q tovushini eshitadi. Baliqlar har xil tovush chiqarib, bir-biri bilan so`zlashish qobiliyatiga ega. Tovush chiqarish diapazoni yuqori, ya`ni 30 Gts dan 12 kGts ga boradi. Ovoz chiqarish signallari orqali baliqlar bir-birlariga oziq topish, dushmandan saqlanish va jinsiy aloqani xabar qiladi. Ularning tovush chiqarishi turlicha, ya`ni ot tuyog’ining tosh yo`lda yurganda chiqaradigan tovushiga o`xshash, shildirab, g’ijirlab, chertganga o`xshab, ingrab va boshqacha ovozlar ham chiqaradi. Baliqlar, asosan tishlarini bir-biriga ishqalab, bo`g’in suyaklari orasidagi ishqalanishlar orqali ham tovush chiqaradi. Ayrim baliq turlarida ovoz chiqarish ularning suzgich pufaklarining hajmi bilan ham bog’liq bo`ladi, chunki suzgich pufagi eshitish suyagi bilan bevosita ulangan bo`ladi.
Hid bilish organlari. Suyakli baliqlarning hid bilish organlari tog’ayli baliqlarnikiga o`xshash bo`ladi, ya`ni ko`zining oldida burun bo`shlig’i ko`rinib turadi. Bu bo`shliq bir juft yopiq hidlov xaltachalariga birlashadi. Ayrim tur suyakli baliqlarda, masalan, zog’ora baliqlarda hid bilish organi vazifasini mo`ylovlari ham bajaradi.
Ta`m bilish organi barcha umurtqali hayvonlardagidek suyakli baliqlarda ham mayda ta`m bilish kurtakchalardan iborat. Ta`m bilish kurtakchalari, ta`m bilish hujayralaridan tashkil topgan. Har qaysi ta`m bilish hujayralarini mayda nerv shoxchalari o`rab olgan. Ta`m bilish hujayralari baliqlarning nafaqat og’iz bo`shlig’ida va halqumida, balki terining butun tashqi yuzasida ham tarqalgan bo`ladi.