Личинка хордалилар (Urochordata) ¸ки šобиšлилар (Tunicata) кенжа типи

Nafas olish organi. Suyakli baliqlarning nafas olish organlari tog’ayli baliqlarniki singari ektodermali jabra hisoblanadi
(57-rasm).
Barcha suyakli baliqlarda oldingi to`rtta jabra yoylariga o`rnashgan to`rt juft butun jabra bo`ladi. Bundan tashqari, jabra qopqog’ining ichki tomonida til osti yoki soxta jabra deb ataladigan murtak holidagi jabraning yarim bo`lagi bo`ladi. Bir butun jabra ikki qator bo`lib jabra yoylariga birikadi. Natijada bir jabraning ikkita yarim jabra yaproqlari asosi bir-biriga qo`shilib ketadi. Ularning uchlari esa tashqi tomondan jabra qopqog’i bilan cheklangan jabra bo`shlig’ining ichida osilib turadi. Jabra yoylarining ichki tomonida bir qancha mayda tishsimon – jabra qilcha (tichinka)lari deb ataladigan va qo`shni jabra yoyi tomon yo`nalgan o`simtalari bo`ladi. Jabra qilchalari maxsus suzish apparatiga aylanib, suv bilan birga kirgan oziq moddalarini halqumdan jabra bo`shlig’i orqali tashqariga chiqib ketishiga to`sqinlik qiladi. Bu apparat plankton organizmlar bilan oziqlanuvchi baliqlar (seldsimonlarda)da kuchli taraqqiy etgan.
Yo`g’on qon tomirlari (qon olib keluvchi va qon olib ketuvchi jabra arteriyalari) jabra yoylari bo`ylab jabra yaproqlari asosida joylashgan.
Suyakli baliqlarda jabralarni va halqumni tashqi tomondan jabra qopqog’i yopib turadi. Nafas olish mexanizmi jabra qopqog’ining ko`tarilishi va pastga tushishi tufayli amalga oshadi. Shunday qilib, baliqlar suvda erigan kislorod bilan nafas oladi. Baliqlar suv yutganda suv og’iz bo`shlig’idan jabra yoriqlari orqali o`tib, jabralarni yuvib o`tadi. Mana shu jabra yaproqchalarining yupqa devori orqali qonga suvda erigan kislorod o`tadi, qondan esa suvga karbonat angdrid chiqariladi.
Suvda kislorod yetishmasa baliqlar suv yuzasiga ko`tarilib, og’zi orqali havo oladi.
Kislorod yetishmaydigan suvlarda baliqlar ko`p yashamaydi. Shuning uchun ham ko`pgina suv havzalarining usti muzlab, muz ostida kislorod yetishmay qolib, baliqlar qirilib ketadi. Bunday paytlarda suv havzalarining har yer har yerida muzni yorib, teshik ochib qo`yiladi.