Личинка хордалилар (Urochordata) ¸ки šобиšлилар (Tunicata) кенжа типи

Muskullari. Suyakli baliqlarda terisining ostida suyaklarga birlashgan muskullari joylashgan. eng kuchli muskullari tana bo`ylab umurtqalar yonida joylashgan bo`ladi. Suyakli baliqlarning muskullari ham xuddi minogalarnikidek to`g’ri segmentli bo`lib, biriktiruvchi to`qima miosepta bilan bir-biridan ajralgan miomerlardan iborat. Bu muskullarning qisqarishi va bo`shashishi natijasida baliq tanasini goh o`ngga va goh chapga egadi, natijada suvda harakatlanishiga yordam beradi. Boshini, suzgich qanotlarini, jag’larini, jabra qopqoqlarini harakatga keltiradigan alohida differentsiyallashgan muskullari mavjud. Ko`z, jabrausti, jabraosti va juft suzgich qanotlar muskullari, hazm qilish nayini o`rab turgan vistseral muskullar silliq muskullar hisoblanadi. Jabra va jag’ yoyidagi silliq muskul tolalari ko`ndalang-targ’il muskul tolalar bilan almashinadi.
Ovqat hazm qilish sistemasi. Suyakli baliqlarning oziq tutishida, asosan ikkilamchi jag’ ishtirok etadi. Suyakli baliqlarning ko`pchiligida tishlari yaxshi rivojlangan va bu tishlar nafaqat jag’ suyaklariga balki til osti yoylariga ham birikkan bo`ladi. Og’iz bo`shlig’idan keyin halqum boshlanadi. Og’iz va halqum bo`shliqlari orasida aniq chegara yo`q. Boshqa baliqlarga o`xshash zog’ora baliqda ham haqiqiy til yo`q. Til singari uchi og’iz bo`shlig’iga chiqib turadigan til osti yoyining kapsulasi faqat shilimshiq parda bilan qoplangan bo`lib, u mustaqil bo`lmagani tufayli harakatlanmaydi. Har tomonida beshtadan jabra yorig’i bo`lgan halqumi qisqa qizilo`ngachga, qizilo`ngach esa oshqozonga ochiladi. Oshqozondan kam differentsiallashgan haqiqiy ichak boshlanadi, bu ichakning oldingi bo`limini o`n ikki barmoqli ichak, so`ngra ingichka ichak va anal teshigi bilan tugaydigan to`g’ri ichak tashkil etadi (ba`zi baliqlar oshqozonning atrofida har xil sondagi pilorik o`simtalar ham bo`ladi (zog’ora baliqda pilorik o`simta bo`lmaydi). Chunki suyakli baliqlar ichagida spiral klapanlari bo`lmaydi. Uning o`rniga pilorik o`simtalar bo`ladi, u ichakning so`rish yuzasini kengaytiradi. Jigari yurakning orqasi, oshqozonning ostida va yon tomonida joylashgan bo`lib, uning pallalari orasida o`t suyuqligi bilan to`la o`t pufagi bo`ladi. O`t pufagidan o`n ikki barmoqli ichakka ochiladigan o`t yo`li chiqadi. Oshqozon osti bezi ichak tutqichi bo`ylab tarqalgan. Ichak bog’ichiga esa uzunchoq to`q qizil rangli taloq o`rnashgan (56-rasm).