Личинка хордалилар (Urochordata) ¸ки šобиšлилар (Tunicata) кенжа типи

Tog’ayli baliqlarning ahamiyati

Baliqlarning, shu jumladan, tog’ayli baliqlarning tabiatda va inson hayotida ahamiyati katta. Dunyoda ovlanadigan baliqlarning 1,5–2% ni tog’ayli baliqlar tashkil etadi. Ayniqsa, tog’ayli baliqlar go`shti Avstraliya va Yaponiyada yashaydigan aholi tomonidan ovqat sifatida keng iste`mol qilinadi. Yevropa mamlakatlari va AQSHda tog’ayli baliq mahsulotlari qayta ishlanib, baliq uni tayyorlanib qishloq xo`jalik hayvonlariga va parrandalarga oziqa sifatida beriladi. Akulalar jigaridan baliq yog’i olinadi. Baliq yog’ining tarkibida ko`p miqdorda «A» vitamini mavjud, u tibbiyotda ishlatiladi. Akula yog’idan optik asboblarni yog’lash va pardozlash maqsadida ham foydalaniladi. Shuningdek, akula va skatlarning terisidan turli-tuman teri buyumlari, jumladan, poyabzal va galanteriya mahsulotlari tayyorlanadi. Tog’ayli baliqlarning boshi va suzgich qanotlari qaynatilib qimmatbaho yelim olinadi.

Oxirgi yillarda har yili 300 mingtagacha akulalar ovlanadi. Tog’ayli baliqlarning foydasi bilan bir qatorda ayrim zararli tomonlari ham bor. Ayrim tur akulalarning, jumladan, qutb akulasi, bolg’abosh akulaning go`shtidan zaharlanish hodisalari ro`y berishi mumkin. Akulalarning 50 ga yaqin turlari odam uchun xavfli hisoblanadi. Ixtiolog olimlarning ma`lumotlariga qaraganda, so`nggi yillarda akulalar 1410 ta odamga hujum qilgan, shulardan 477 ta odam halok bo`lgan. Umuman, akulalar har yili 40 tadan 1000 tagacha odamni nobud qiladi. Odamlarga yo`lbars akulasi, treska akulasi va karxorodonlar hujum qiladi.


III.4 SUYAKLI BALIQLAR (OSTEICHTHУES) SINFI

Suyakli baliqlar sinfining umumiy tavsifi va sistematikasi. Tog’ay – suyakli baliqlar kenja sinfi vakillarining tuzilishi, tarqalishi va ahamiyati. Shu`laqanotlilar kenja sinfi vakillarining tuzilishi, ko`payishi, sistematikasi. Ikki xil nafas oluvchilar va panja qanotlilar kenja sinflari vakillarining o`ziga xos tuzilish belgilari, tarqalishi. Baliqlarning ekologiyasi, kelib chiqishi va iqtisodiy ahamiyati.