Личинка хордалилар (Urochordata) ¸ки šобиšлилар (Tunicata) кенжа типи

Bolg’aboshli akulalar (Sphyrnidae) oilasiga 7 ta tur kiradi. Asosiy vakili gigant bolg’abosh akula (Sphyrna makarran)ning uzunligi 4,5-6 m keladi. Uning boshi bolg’aga o`xshaydi. Boshining uzunligi 2 m gacha borib, tanasiga nisbatan perpendikulyar joylashgan. Boshining chekkalarida mayda ko`zlari joylashgan.
Bolg’aboshli akulalar Tinch va Hind okeanlarining tropik va subtropik qismida uchraydi. Yoz oylarida Angliyaga va MDHning Uzoq Sharq sohillariga ham o`tadi. Bolg’aboshli akulalarning uzunligi 4,5-7 m gacha boradi. Og’irligi 400 kg dan ortiq. Bolg’aboshli akulalar tirik va tuxumdan tirik tug’adi. Bitta urg’ochi bolg’aboshli akula uzunligi 40-50 sm keladigan 6-9 tadan 30-40 tagacha tirik tug’adi.
Ular mollyuskalar, qisqichbaqasimonlar va baliqlar bilan oziqlanadi. Bolg’aboshli akulalar odamga ham hujum qilishi mumkin. Ularning oshqozonidan odam tana qoldiqlari topilgan. Go`shti iste`mol qilinadi, jigaridan baliq yog’i olinadi, terisidan ham foydalaniladi.
Dalatsimonlar yoki to`g’ri og’izlilar (Dalatiidae) oilasiga 12 ta tur kiradi. Qutb akulasi bu oilaning tipik vakili hisoblanadi. U Atlantika okeaning shimoliy qismida, MDHda Barents dengizida ko`p uchraydi. Uzunligi 7-8 m, og’irligi 1 t dan ortiq. Yozda ular 1000 m chuqurlikda, qishda esa suvning ustki qatlamida yashaydi. Himoya rangiga ega.
Gavdasining rangi to`q jigarrang, ustki jag’idagi tishlari mayda, siyrak va uchli, pastki jag’idagi tishlari esa to`rtburchak shaklda keng bo`ladi. Qutb akulasi ham yirtqich hisoblanadi. Ular, asosan umurtqasiz hayvonlar, ba`zan esa tyulen, kit kabi sutemizuvchilarning o`limtiklari bilan ham oziqlanadi. Tuxum qo`yib ko`payadi, 500 tagacha tuxum qo`yadi.
Qutb akulasi Murmansk atroflarida ko`plab ovlanadi. Jigaridan vitaminga boy bo`lgan baliq yog’i olinadi. Go`shti ovqatga ishlatiladi. Terisidan ham foydalaniladi.
Dengiz avliyolari (Squatinidae) oilasiga 11 ta tur kiradi. Ular tashqi tomondan skatlarga o`xshab tanasi yapaloq shaklda bo`ladi. Gavdasi yassilangan, ko`krak va qorin suzgich qanotlari keng va katta. Og’zi tumshug’i uchida va jabra yoriqlari yon tomonida joylashgan. Yevropa dengiz avliyosi (Squatina squatina) O`rta yer dengizida va Yevropaning Atlantika okeani qirg’oqlrida uchraydi. Ularning uzunligi 2,5 m gacha va og’irligi 100 kg gacha boradi. Baliqlar va bentos umurtqasiz hayvonlar bilan oziqlanadi. Tuxum qo`yib yoki tuxumdan tirik tug’ib ko`payadi. Dengiz avliyosi chiroyli, yaltiroq haqiqatdan ham farishtaga, avliyoga o`xshaydi. Umuman, dengiz avliyolari gavdasining tuzilishi jihatidan ma`lum darajada akulalar bilan skatlarning oraliq formasi hisoblanadi. Dengiz avliyolari suv tubida hayot kechiradi.
Akulalar turkumiga yana mako, dengiz tulkisi, zebrasimon akulalar va boshqa tur akulalar ham kiradi.