Личинка хордалилар (Urochordata) ¸ки šобиšлилар (Tunicata) кенжа типи

Tovuqsimonlar (Galliformes) turkumi. Bu turkum vakillari yer yuzida keng tarqalgan o`rtacha kattalikdagi qushlar bo`lib, o`simlik ozuqasi bilan oziqlanadi. Ularning gavdasi pishiq, yerni kavlashga layoqatlangan to`mtoq tirnoqli oyoqlari kuchli rivojlangan. Tumshug’i baquvvat, qanotlari kalta va keng, jig’ildoni va muskulli oshqozoni yaxshi rivojlangan. Ularning to`rtta barmog’i bo`lib, 3 tasi oldinga va 1 tasi orqaga qaragan. Barmoqlari orasida suzgich pardalari yo`q, asosan o`troq holda yashaydi va yer yuzida keng tarqalgan. 280 dan ortiq turlari bor. MDHda
20 ta turi, shu jumladan O`zbekistonda 8 ta turi uchraydi. Ular, asosan o`simliklarning vegetativ qismi, mevasi, urug’i va har xil umurtqasiz hayvonlar bilan oziqlanadi.
Tovuqsimonlar poligam qushlar. Bu turkumga kiruvchi qushlarning erkaklari ko`pincha yirik va rangdor bo`ladi. Nasl uchun, asosan urg’ochilari g’amxo`rlik qiladi. Urg’ochilari yer ustida chuqurcha shaklida uya quradi va 2 tadan 26 tagacha tuxum qo`yib, tuxumini bosib yotadi. Jo`ja ochuvchi qushlarga kiradi. Tovuqsimonlar turkumiga kiruvchi qushlardan ko`plab xonaki zotlar yetishtirilgan. Ko`pchiligi ovlanadi. Bu turkumning 4 ta oilasi bor:
1. Cho`ptovuqlar (Megapodiidae) oilasi.
2. Qirg’ovullar (Phasianidae) oilasi.
3. Qurlar (Tetraonidae) oilasi.
4. Goatsinlar (Opisthocomidae) oilasi.
Cho`ptovuqlar (Megapodiidae) oilasiga kiruvchi qushlar Avstraliya va Tinch okeanning ba`zi orollari atrofida yashaydi. Bu tovuqlarning erkaklari ko`payish davrida yerdan chuqurcha qaziydi va bu chuqurchani har xil xas-cho`plar bilan to`ldiradi. Quyosh nuri ta`sirida o`simlik qoldiqlari chiriydi va natijada harorat ko`tariladi. Keyin urg’ochilari bu joyga yirik tuxumlarini qo`yadi, erkaklari uyani ikki oy davomida tuxumlarini bosmasdan qo`riqlaydi. Tuxum quyosh ta`sirida issiq o`tganda xas-cho`plarni chirishi natijasida tuproqni qizib ketishi orqali rivojlanib, ota-onasining ishtirokisiz jo`jalari tuxumdan chiqadi. Tuxumdan chiqqan jo`jalari ancha yaxshi rivojlangan, usti pat bilan qoplangan bo`ladi va mustaqil yashaydi.