Личинка хордалилар (Urochordata) ¸ки šобиšлилар (Tunicata) кенжа типи

174-rasm: Ko`kraktojli qushlar vakillari: 1- jarqaldirg’och, 2- goatsin, 2a- goatsinning jo`jasi,
3- qizilishton, 4- yovvoyi ko`k kaptar, 5- suv buldurug’i, 5a- suv buldurug’ining oyog’i,
6- sassiqpopishak, 7- tukan, 8- kakku, 9- oddiy tentakqush.
Goatsinlar (Opisthocomidae) oilasiga Janubiy Amerikaning doim suv bosadigan tropik o`rmonlarida yashovchi o`ziga xos oddiy goatsin (Opisthocomus hoazin) degan yagona tur kiradi (174-rasm).
Goatsin qiynalib uchadi. Ko`kraktoj suyagi rivojlanmagan. Jig’ildoni katta va yaxshi rivojlangan kuchli muskulga ega bo`lib, muskulli oshqozon vazifasini bajaradi. Daraxtlarning dag’al barglari, mevalari va donlar bilan oziqlanadi. Goatsinning uzunligi 60 sm gacha yetadi, boshida uzun kokili bor. Jo`jalari pat bilan siyrak qoplangan holda tuxumdan chiqib, birinchi kundanoq daraxtlarga bemalol chiqa oladi. Daraxtlarda harakat qilganda faqat oyoqlari va yo`g’on ilmoqli tumshug’idan foydalanib qolmasdan, balki qanotlaridagi birinchi va ikkinchi barmoqlarining uzun tirnoqlaridan ham foydalanadi. Bundan tashqari jo`jalari yaxshi suzadi. Goatsinlar kichik guruh bo`lib suv ustidagi daraxt shoxlariga bitta umumiy uya quradi va uyasiga 2-4 ta tuxum qo`yadi. Tuxumni bir necha urg’ochi goatsinlar navbat bilan bosadi. Ular 40 tagacha gala bo`lib yashaydi.
Jo`jalarini erkagi va urg’ochisi o`z jig’ildonidagi ozuqa bilan boqadi. Jo`jalari xavf tug’ilganda tez o`rmalab daraxt shoxlari orasiga yashirinadi yoki suvga sho`ng’iydi. Goatsinning tuxumdan chiqqan jo`jalari jish bola bilan jo`ja bola ochuvchi qushlarning oraliq formasi hisoblanadi. O`sa borgan sari ularning o`rmalashi va suvda sho`ng’ish qobiliyati yo`qoladi.
Tovuqsimonlar turkumining hamma turlari katta ov ahamiyatiga ega. Ayrim turlari sanoat ovining asosini tashkil qiladi.
Turnasimonlar (Gruiformes) turkumi. Bu turkumga yaxshi yugura oladigan, har xil kattalikdagi qushlar kiradi. Ko`pchilik turlarining oyog’i va bo`yni uzun, dumi kalta bo`ladi, sayoz joylarda oziqlanadi. Bu qushlarning kekirdagi uzun bo`lib qattiq ovoz chiqaradi. Turnasimonlar turkumiga 214 ta tur kiradi. Yevropa, Osiyo, Shimoliy Amerika va Avstraliyada tarqalgan. Ular odam bormaydigan keng va ochiq joylarda gala bo`lib yashaydi. MDHda turnasimonlar turkumining 23 ta turi, jumladan, O`zbekistonda uchib o`tish davrida 3 ta turi uchraydi. Turnasimonlar turkumining bir necha oilalari bor.