Личинка хордалилар (Urochordata) ¸ки šобиšлилар (Tunicata) кенжа типи

Kurakoyoqlilar (Steganopodiformes) yoki pelikansimonlar (Pele-caniformes) turkumi. Bu turkumga 50 ta tur kiradi va ular chuchuk suvlarda, qisman esa dengizlarda yashaydi.
Dunyoda keng tarqalgan. Oyoqlari kalta, to`rtta barmoqlarining umumiy suzgich parda bilan qo`shilganligi va pastki tumshug’ining ostida har xil darajada rivojlangan teri xaltasi borligi bilan boshqa qushlardan farqlanadi. Ularning orqa barmog’i orqaga emas, balki ichga qaragan bo`ladi. Kurakoyoqlilar suvda yaxshi suzadi va yaxshi sho`ng’iydi, monogam qushlardan hisoblanadi, uya quradi, uyalarida 1-6 ta tuxum bo`ladi. Tuxumlarini navbatlashib bosadi. Jish bolali, ya`ni jo`jalari tuxumdan ojiz chiqadi, terisi yalang’och va ko`zlari yumuq bo`ladi. Jo`jalari 6-15 hafta uyasida bo`ladi va bu davrda ularni ota-onasi boqadi. Bu turkumning 2 ta oilasi bor: Qoravoylar (Phalacrocoracidae) va Meshkopchilar yoki birqozonlar (Pelecanidae) (168-rasm).





168-rasm. Ko`kraktojli qushlar vakillari: 1-qora tomoq gagara, 2-albatros,
3-saqoqush, 4-qoravoy, 5-oq laylak, 6-flamingo.
Q
5
oravoylar oilasining 7 ta turi bo`lib, ular o`rtacha hajmdagi va mayda qushlar hisoblanadi. Bu oilaning tipik vakili katta qoravoy (Phalacrocorax carbo) MDHdagi barcha dengiz va chuchuk suv havzalarida tarqalgan. Orol dengizida va O`zbekistondagi yirik daryolarning qirg’oqlarida qoravoylar gala-gala bo`lib uchib yuradi. Ular juda hushyor yaxshi suzuvchi va yaxshi sho`ng’uvchi qushlardan hisoblanadi, 4 m gacha chuqurlikka suvga sho`ng’iydi va suv ostida 40 sekundgacha tura oladi. Qoravoylar qiynalib qanotlarini tez qoqib uchadi. Ular baliqchilik xo`jaliklariga katta zarar yetkazadi. Bu qushlarning patlari qora, och gunafsha tusda yaltirab turadi. Uzunligi 75-90 sm, og’irligi 3 kg gacha yetadi. Uya qurish davrida qoravoylar dengizlarning qoyali qirg’oqlarida va sekin oqadigan cuvlarning qamish bosgan qirg’oqlarida hayot kechiradi, 5 ta tuxum qo`yadi. Qoravoylar, asosan baliqlar, ba`zan esa hasharotlar, mollyuskalar va amfibiyalar bilan oziqlanadi. Bola tarbiyasida ikki jins ham ishtirok etadi.