Личинка хордалилар (Urochordata) ¸ки šобиšлилар (Tunicata) кенжа типи

Yon bo`yinli toshbaqalar (Pleurodira) kenja turkumi vakillari boshi va bo`ynini gorizontal tekislikda yon tomonga burib plastron bilan karapaks orasidagi bo`shliqqa joylashtiradi. Ular Janubiy yarimsharda: Avstraliya, Janubiy Afrika va Janubiy Amerika chuchuk suvlarida yashaydi. Kenja turkumning 2 ta oilasi va 50 ta turi bor. Asosiy vakillariga arrau yoki tartaruga (Podocenemis expansa), matamata,
Argentina ilonbosh toshbaqasi va boshqalar kiradi. Arrau toshbaqasi ancha yirik bo`lib, qalqonining uzunligi 80 sm gacha boradi. Ularning go`shti, tuxumi, yog’i ovqatga ishlatiladi, sovutidan ham foydalaniladi. MDHda yon bo`yinli toshbaqalar uchramaydi.
Dengiz toshbaqalari (Chelonioidae) kenja turkumiga 1 ta oila va 6-7 ta tur kirib, ular barcha tropik va subtropik dengizlarda tarqalgan. Dengiz toshbaqalarining bo`yni qisqa, oyoqlari eshkak (kurak) shaklida. Oldingi oyoqlari orqa oyoqlaridan ancha uzun, gavdasi biroz yapaloqlashgan, bosh va oyoqlari hamda bo`ynining ko`p qismi quruqlik toshbaqlariniki kabi qalqon ichiga tortilib kirmaydi. Suyri shaklidagi kosasi muguz qalqonlar bilan qoplangan bo`lib, 80 sm dan 1,4 m gacha va og’irligi 600 kg gacha boradi.Ularning butun hayoti suvda o`tadi. Kosasining suyak plastinkalari reduktsiyalanib ketgan, plastron halqadek bo`lib qoladi, karapaksda talaygina teshiklar hosil bo`ladi. Ular baquvvat oldingi oyoq panjalari yordami bilan suvda yaxshi suzadi. 1500-2000 m chuqurlikka sho`ng’iy oladi, orqa oyoqlari rul vazifasini bajaradi.
Dengiz toshbaqalari baliqlar, mollyuskalar va qisqichbaqasimonlar bilan oziqlanadi. Urchish uchun ular odam kam boradigan orollar sohiliga chiqib yuzlab tuxum qo`yadi. Tipik vakillariga yashil toshbaqa yoki sho`rva toshbaqa (Shelonia mуdas), bissa yoki karetta (Eretmohelus imbricata) va Hindiston bilan Seylon atroflarida ko`p uchraydigan sariq ko`kimtir dengiz toshbaqasi kiradi. Sho`rva toshbaqasining og’irligi 200 va hatto 600 kg gacha keladi va ovqatga ishlatiladi. Karetta esa ancha kichik (bo`yi 80-100 sm) chiroyli shox plastinkalari uchun ovlanadi. Barcha turlari «Xalqaro Qizil kitob»ga kiritilgan.