Личинка хордалилар (Urochordata) ¸ки šобиšлилар (Tunicata) кенжа типи

Kurkunaklar (Meropidae) oilasi vakillari o`rmonlarda va suv bo`ylarida yashaydi. Bu qushlar tiniq, ochiq rangli mayda qush bo`lib, tumshug’i uzun, qanotlari o`tkir bo`lishi bilan xarakterlanadi. Tana uzunligi 15-35 sm. 25 ta turi bor. Ular Yevropa, Osiyo, Afrika va Avstraliyaning tropik mintaqalarida tarqalgan. Hasharotlar bilan oziqlanadi. MDHda, shu jumladan, O`zbekistonda tilla rang kurkunak (Merops apiaster) va ko`k kurkunak (Merops superciliosus) uchraydi. Ular iyul–avgust oylarida gala-gala bo`lib uchib yuradi. Oktyabrda janubiy Afrikaga uchib ketadi.
Kurkunaklar chiroyli qush, orqasi va tomog’ini patlari ochiq sariqligi, ko`kragidagi qora yo`li, och yashil-ko`k qorni va qoramtir qanotlari yaxshi ko`rinib turadi.
Kurkunaklar to`lqinsimon, ya`ni qaldirg’ochga o`xshab uchadi va ozuqasini ham havoda ovlaydi. Uyalarini jarliklarga, tepaliklarning yopiq yon bag’irlariga quradi. Mayning o`rtalarida 5-6 tadan tuxum qo`yadi. Tilla rang kurkunaklar asalarilarni yeb zarar keltiradi.
Ko`ktarg’oqlar (Alcedinidae) oilasi vakillari o`rmonda daryo va ariq qirg’oqlarida uchraydigan mayda qushlar. Tanasining uzunligi 10-45 sm, boshi katta, bo`yni kalta, tumshug’i uzun, dumi kalta, qanotlarida va bo`ynida mayda dog’lari bo`ladi. Oyoqlari juda kalta. Ko`ktarg’oqlar oilasiga 88 ta tur kiradi. MDHda 6 ta turi, jumladan, O`zbekistonda 1 ta turi uchraydi. Yer yuzining qutbga yaqin hududlaridan tashqari hamma joylarda tarqalgan, ayniqsa, Osiyo va Afrikaning tropik qismida turlari xilma-xil. Ko`pchilik turlari ozig’ini (hasharotlar, kemiruvchilar) quruqlikdan, ayrim turlari suvdan (baliq, hasharotlar) tutadi.
May oyining boshlarida suv bo`yida lyoss tuproqli jarliklarga, termitlar uyasiga va daraxtlarga uya quradi. 2-7 ta dan tuxum qo`yadi. Tuxumini 21 kun bosadi. Tipik vakili havorang ko`ktarg’oq (Alcedo atthis) hisoblanadi. O`zbekistonda havorang ko`ktarg’oq barcha daryo va ariqlar bo`yida uya quradi. Uning uzunligi 16,5 sm, orqa tomoni ko`k-yashil, yaltiroq, oyoqlari qizil. Jarliklardagi uyasiga 6-7 ta tuxum qo’yadi.