Личинка хордалилар (Urochordata) ¸ки šобиšлилар (Tunicata) кенжа типи

Amfisbenlar (Amphisbaenidae) oilasi vakillari yerni kavlab, yer ostida hayot kechiradi. Gavdasi chuvalchangsimon shaklda cho`ziq, oyoqlari yo`q. Lekin ayrim turlarida oyoqlari saqlanadi.
Ularning pishiq terisida tangachalari yo`q, balki shox parda bilan qoplangan. Dum tomoni to`mtoq. Ko`zlari teri ostiga yashiringan.
Amfisbenlar Afrika va Janubiy Amerikada tarqalgan. Bu oilaga 140 ga yaqin tur kiradi. Ularning uzunligi 70 sm gacha boradi. Tipik vakili Amerika xiroti (Chirotes canaliculatus) hisoblanadi, uning oldingi oyoq murtaklari saqlanib qolgan.
Amfisbenlarб asosan chumolilar va termitlarning uyalarida yashaydi. MDHda uchramaydi. Amfisbenlarning boshida katta teri qalqonlari bor. Ularda nog’ora parda va nog’ora bo`shlig’i yo`q, ko`rish organi yaxshi taraqqiy etmagan, ko`z qovoqlari yo`q va ko`zi murtak holida juda sodda tuzilgan. Tishlari katta, lekin siyrak. Ular ham tuxum qo`yib ko`payadi. Chumoli, termit va chuvalchanglar bilan oziqlanadi.
Stsinklar (Scincidae) oilasining 700 ga yaqin turi bor. MDHda 11 ta turi uchraydi. Stsinklarni ko`rinishi turli–tuman bo`lib, ba`zilari xuddi kaltakesaklarga o`xshash, oyoqlari yaxshi rivojlangan, ayrimlari esa ilonlarga o`xshash gavdasi cho`zinchoq, oyoqlari yaxshi taraqqiy etmagan, barmoqlari ikkita yoki bitta bo`ladi. Stsinklarning boshi yirik qalqonchalar bilan, tanasi esa baliqlarnikiga o`xshash silliq yumaloq yoki romb shaklidagi tangachalar bilan qoplangan. Shox qatlami tagida suyak plastinkalari bo`ladi. Tishlari jag’lariining ichki qirrasiga o`rnashgan, tili qisqa. Ular, asosan yerda hayot kechiradi, ayrim turlari daraxtlarda yashashga moslashgan, suv bilan bog’liq turlari va yerni kavlab, yer ostida yashaydigan turlari ham bor..
Stsinklar oilasi vakillari yer yuzining mo`’tadil va issiq iqlimli mintaqalarida, ya`ni Avstraliya, Janubiy va Sharqiy Osiyo hamda Tinch va Hind okeanlari orollarida tarqalgan. O`rta Osiyo va Kavkazda uzunoyoqli stsink (Eumeces shneideri), Armaniston va O`rta Osiyoning janubida oltinnaqsh mabuya (Mabuya aurata) uchraydi.