Қўлёзма ҳуқуқида ҚУЧҚоров жавлон суюндик ўҒли миллий ғоя ва демократик ўзгаришлар диалектикаси босқичларининг ижтимоий-фалсафий таҳлили

Тадқиқотнинг республика фан ва технологиялари ривожланишининг устувор йўналишларига мослиги. Мазкур тaдқиқoт республикa фaн вa технoлoгиялaри ривoжлaнишининг I. “Ахборотлашган жамият ва демократик давлатни ижтимоий, ҳуқуқий, иқтисодий инновацион ғоялар тизимини шакллантириш ва уларни амалга ошириш йўллари” устувор йўналишга мувофиқ бажарилган.
Муаммонинг ўрганилганлик даражаси. Миллий ғоя ва демократик ўзгаришлар диалектикаси босқичларининг ижтимоий-фалсафий жиҳатдан ўрганишда методологик аҳамиятга эга бўлган манбаларга: Ўзбекистон Республикасининг Биринчи Президенти И.А.Каримов ва Ўзбекистон Республикаси Президенти Ш.М.Мирзиёевнинг асарлари назарий манба бўлиб хизмат қилди¹.
Хорижлик олимлар Г. Дональд, B. Rogers, Ш. Мартин, К. Уокер, G. Stiven, Г. Дерлугьян² ва бошқалар томонидан миллий ўзлик, миллий ўзликни англаш, ўзликни англаш борасида келиб чиқадиган низолар, уларни демократик усул ва воситалар билан ҳал этишда миллий ғоя ва мафкураларнинг ўрни тўғрисида олиб борган тадқиқотларини киритиш мумкин. Бироқ, бу тадқиқотчилар жамиятнинг демократлашиб бориш жараёнларига миллий ғоя ва мафкураларнинг таъсир этишини бевосита тадқиқ қилмаганлар. 
Миллий ғоянинг жамият тараққиётидаги ўрни беқиёс бўлиб, унинг назарий ва амалий аҳамиятини ўрганиш масаласи билан шуғулланаётган МДҲ олимларидан Д.С.Ипатов, Л.И.Летягин, А.П.Макарeнко, Д.А.Мисюров, О.О.Савелева, А.В.Логинов ва бошқаларнинг¹ ёзган асарларини киритиш мумкин. Бироқ уларда миллий ғоянинг мамлакат бошқариш тизимининг жамият ҳаётини демократлаштиришга бўлган фаолиятини тўлалигича очиб бермаганлар.
Ўзбекистон Республикаси материаллари асосида Ш.Туленов, Н.Юсупов ва З.Ғафуровлар², Ҳ.Воҳидов³, Д.Жўраев муҳаррирлиги остида сиёсатшунос, иқтисодчи ва ҳуқуқшунос муаллифлар – Н.А.Жўраев, Р.З.Жумаев, А.К.Таксанов, Ш.У.Тошқулов, Қ.Х.Йўлдошовлар⁴нинг китоблари биз тадқиқ қилаётган муаммонинг фундаментал тарзда бошланиши бўлган.
Мустақиллигимизнинг кейинги йигирма йиллигида мамлакатимизда мавзуга яқин ва оид қатор тадқиқот ишлари олиб борилди. Бунга Ў.Абилов, Д.Алимова, Х.П.Абулқосимов, С.Атамуратов, А.С.Ачилдиев, А.Бегматов, М.Бекмурадов, К.В.Джавакова, Ш.Жалилов, Т.Жўраев, З.М.Исламов, Ж.О.Мадаева, Ш.О.Мамадалиев, Б.С.Мамарасулов, С.Мамашокиров, А.Мўминов, О.Р.Мусаев, Ф.Мусаев, Қ.Назаров, Х.Т.Одилқориев, Ш.Ғ.Ғойибназаров, Ш.Пахрутдинов, Ф.Равшанов, И.Саифназаров, Б.О.Тўраев, И.Ергашев, Х.О.Шайхова, Ш.Қаҳҳорова, А.Қодиров, Б.Қўчқоров, Ш.Ғойибназаров, Ж.Яхшиликов ва бошқалар томонидан олиб борилган монография ва рисола даражасидаги ишлар ва мақолаларни мисол қилиб келтириш мумкин.¹ Бундан ташқари демократик жараёнларни аниқлашда Ҳ.Бобоев, Ш.Тошқулов, З.Муқимов ва бошқаларнинг хизматлари катта.² Биз тадқиқотимизда уларнинг ишларига ҳам манба сифатида таяндик.
Диссертацияни ёзиш жараёнида номлари кўрсатилган ва бошқа бир қатор ўзбек ҳамда жаҳон тадқиқотчилари, миллий ғоя ва ўзликни англаш, давлат бошқарувини демократлаштириш, демократик жараёнлар каби муаммолар билан шуғулланган бошқа тадқиқотчиларнинг ҳам илмий изланишлари эътиборга олинди. Тадқиқотда мазкур йўналишда бажарилган ишлардан фарқли равишда, миллий ғоя ва демократик ўзгаришлар диалектикаси босқичларининг ижтимоий-фалсафий таҳлили Ўзбекистон Республикаси мисолида таҳлил қилиниб алоҳида тадқиқот объекти сифатида тадқиқ этилган.