Қўлёзма ҳуқуқида (575. 16)

Тошкент шаҳри ҳудудларида 2020-2021 йилларда хизматлар ҳажмининг ўсиши билан боғлиқ кўрсаткичларнинг таҳлили⁶⁸

№	Туманлар	2020 йил		2021 йил
		млрд.сўм	ўсиш суръати, %	млрд.сўм	ўсиш суръати, %
	Тошкент шаҳри	79 890,1	108,2	103 909,7	120,4
1.	Бектемир	2 257,1	102,0	3 303,2	135,5
2.	МирзоУлуғбек	7 782,3	106,9	10 269,4	122,1
3.	Миробод	9 177,1	109,8	11 914,3	121,9
4.	Олмазор	6 517,1	103,8	9 512,6	132,4
5.	Сергели	3 885,3	66,8	5 427,3	121,2
6.	Учтепа	4 788,2	103,4	6 285,7	121,5
7.	Чилонзор	10 748,4	126,6	12 224,1	106,3
8.	Шайхонтоҳур	8 972,6	92,1	11 542,5	119,1
9.	Юнусобод	12 863,3	112,5	15 978,0	115,0
10.	Яккасарой	6 936,7	92,4	8 650,0	115,4
11.	Янгихаёт	771,7	-	1 480,5	177,6
12.	Яшнобод	5 190,3	124,7	7 322,1	130,6

2.7-жадвал маълумотларидан кўриш мумкинки, 2020 йилда хизмат кўрсатишнинг энг юқори ҳажмлари Юнусобод (12 863,3 млрд. сўм), Чилонзор (10 748,4 млрд. сўм), Миробод (9 177,1 млрд. сўм) туманларида кузатилган бўлса, хизмат кўрсатиш ҳажми бўйича энг паст кўрсаткичлар Янгихаёт (771,7 млрд. сўм), Бектемир (2 257,1 млрд. сўм) ва Сергели (3 885,3 млрд. сўм) туманларида кузатилди. 2020 йилда хизматлар соҳасининг юнг юқори ўсиши Чилонзор (126,6 %), Яшнобод (124,7 %), Юнусобод (112,5 %) туманларида кузатилган бўлса, энг паст ўсиш суръатлари Сергели (66,8%), Шайхонтоҳур (92,1%) ва Яккасарой (92,2%) кузатилди.

2021 йилда хизмат кўрсатишнинг энг юқори ҳажмлари Юнусобод (15 978,0 млрд. сўм), Чилонзор (12 224,1 млрд. сўм), Миробод (11 914,3 млрд. сўм) ва Шайхонтоҳур (11542,5млрд. сўм) туманларида кузатилган бўлса, хизмат кўрсатиш бўйича энг паст кўрсаткич Янгихаёт (1 480,5 млрд. сўм), Бектемир (3 303,2 млрд. сўм) ва Сергели (5 427,3 млрд. сўм) туманларида кузатилди. 2021 йилда хизматлар соҳасининг энг юқори ўсиш суръатлари Янгихаёт (177,6 %), Бектемир (135,5%) ва Олмазор (132,4 %), туманларида кузатилган бўлса, энг паст ўсиш суръатлари Чилонзор (106,3%), Яккасарой (115,4%) ва Юнусобод (115,0 %) кузатилди.
Тошкент шаҳрида хизматлар соҳасида 83,8 мингдан ортиқ корхоналар ва ташкилотлар фаолият кўрсатмоқда, ушбу кўрсаткич 2020 йилга нисбатан 17,7 % га кўпайди. Хизматлар соҳасида фаолият кўрсатаётган корхона ва ташкилотларнинг улуши таркибида 2021 йилда энг катта улушни бошқа хизматларда (29,5%), савдо хизматларда (29,4%), яшаш ва овқатланиш бўйича хизматларда (6,5 %), ташиш ва сақлашда, ахборот ва алоқа хизматларда (3,9 %) энг кам улушни соғлиқни сақлаш хизматларида (1,9 %) ташкил этилди.
Хизматлар соҳасини ривожлантириш ижтимоий йўналтирилган бозор иқтисодиётини шакллантиришнинг муҳим шартларидан бири ҳисобланади. Бугунги кунда мамлакатда олиб борилаётган бозор ислоҳотлари жамиятни ривожлантиришнинг муҳим ижтимоий-иқтисодий вазифаларини ҳал қилишда хизмат кўрсатиш соҳасининг ролини оширишга катта таьсир кўрсатади.
Тошкент шаҳри туманлари бўйича 2021 йилда хизматлар ўзгариши билан боғлқ кўрсаткичлар 2.8-жадвалда келтирилган.

2.8-жадвал