Қўлёзма ҳуқуқида (575. 16)

Тошкент шаҳри ҳудудларида 2021 йилда асосий капиталга инвестициялар ҳажмининг ўзгариши кўрсаткичлари⁶⁷

№	Туманлар	млрд.сўм	ўсиш суръати, %	млрд.сўм	аҳоли жон бошига, минг сўм
	Тошкент шаҳри	57 611,3	104,0	100,0	20 433,9
1.	Бектемир	2 065,6	134,1	3,6	42 502,4
2.	МирзоУлуғбек	4 605,8	107,7	8,0	14 983,1
3.	Миробод	10 782,2	115,0	18,7	74 669,0
4.	Олмазор	4 427,8	122,6	7,7	11 612,4
5.	Сергели	2 474,5	109,7	4,3	17 814,7
6.	Учтепа	1 919,6	90,5	3,3	6 807,0
7.	Чилонзор	4 077,5	75,6	7,1	15 468,5
8.	Шайхонтоҳур	7 601,4	121,1	13,2	21 631,7
9.	Юнусобод	10 531,3	87,3	18,3	29 632,3
10.	Яккасарой	3 306,1	88,1	5,7	26 922,4
11.	Янгихаёт	1 408,7	635,9	2,4	9 609,0
12.	Яшнобод	4 410,9	97,6	7,7	15 923,9

2.6-жадвал маълумотларидан кўринаяптики, асосий капиталга инвестицияларни ўзлаштирилган ҳажми бўйича туманлар кесимида Миробод тумани етакчилик қилди. Ушбу ҳудудда жами асосий капиталга инвестицияларнинг 18,7 % ўзлаштирилди. Шунингдек, Юнусобод тумани жами инвестициялар ҳажмидан 18,3 % ни, Шайхонтохур тумани 13,2 % ни ташкил этди. Мирзо Улуғбек тумани 8,0 %, Олмазор ва Яшнобод туманларида ушбу кўрсаткич мос равишда бир хил 7,7 % ни ташкил этди. Учтепа ва Янгиҳаёт туманларида инвестициялар энг кам ўзлаштирилган бўлиб, ҳар бирининг Тошкент шаҳридаги улуши 3,3 % ва 2,4 % ни ташкил этди.

2.3 Тошкент шаҳрида хизмат кўрсатиш соҳасининг ривожланиш кўрсаткичлари таҳлили

Мустақиллик йилларида Тошкент шаҳрида иқтисодиётнинг асосий тармоқларидан ҳисобланган хизмат кўрсатиш соҳасини ривожлантириш бўйича муайян ишлар амалга оширилиб келинмоқда. Натижада аҳолига кўрсатилаётган хизматлар ҳажми ва сифати йил сайин ортиб бормоқда.

Тошкент шаҳри - Ўзбекистон Республикасининг пойтахти бўлиб, Марказий Осиёнинг энг йирик саноат ва транспорт чоррраҳаси, илм-фан ва маданият марказларидан бири ҳисобланади. Ўзбекистон Республикасининг шимолий шарқий қисмида, Тяньшан тоғлари этакларида, 440-480 м баландликда, Чирчиқ дарёси водийсида жойлашган. Шаҳарда 12 туман (Учтепа, Бектемир, Мирзо Улуғбек, Миробод, Сергели, Олмазор, Чилонзор, Шайхонтоҳур, Юнусобод, Яккасарой, Яшнобод, Янги ҳаёт). Ҳозирги кунда Тошкент шаҳри аҳолиси 2819,4 минг кишини ташкил этади.
Мамлакатимиз ҳукмати томонидан Тошкент шаҳрини 2041 йилгача ривожлантириш бош режаси ишлаб чиқилган бўлиб, унга кўра биноларнинг ўртача қаватлилигини ошириш, экологик зарарли объектларни шаҳар ташқарисига олиб чиқиш, шаҳар муҳитини гуманизациялаш, шаҳар объектларига етиб бориш вақтини қисқартириш ва бошқа кўплаб тадбирлар белгиланган. Тошкент шаҳрини ривожлантириш бош режасига кўра 2041 йилгача шаҳар аҳолиси сонини 3,3 млн кишига, ҳудудини эса 41,5 минг гектарга етказиш режалаштирилмоқда.
Тошкент шаҳри бош режаси коцепциясининг асосий қоидалари пойтахтни келгусида Марказий Осиёнинг йирик маъмурий-хўжалик, маданий ва илмий саноат маркази сифатида ривожланишини кўзда тутади.
Тошкент шаҳрини ривожлантириш бош режа концепциясида шаҳарда хизматлар соҳасини ривожлантириш билан боғлиқ бир қанча муаммоларни ҳал этиш йўналишлари кўрсатиб берилган.
Тошкент шаҳрида хизмат кўрсатиш соҳасини ривожлантириш, хизматларнинг янги турларини кенгайтириш ва сифатини яхшилаш, шаҳар ялпи ҳудудий маҳсулотида хизматлар соҳаси улушини ошириш Ўзбекистон Республикаси Президентининг “Тошкент шаҳрида уй-жой коммунал хизмат кўрсатиш соҳаси фаолиятини мувофиқлаштиришда давлат бошқаруви тизимини такомиллаштириш чора-тадбирлари тўғрисида”ги Фармони, Ўзбекистон Республикаси Вазирлар Маҳкамасининг “Тошкент шаҳрининг уй-жой коммунал инфратузилмасини бошқаришни такомиллаштириш бўйича қўшимча чора-тадбирлар тўғрисида”ги Қарори ва бошқа кўплаб меъёрий-ҳуқуқий ҳужжатлар асосида амалга ошириб келинмоқда. Бунинг натижасида 2021 йилда Тошкент шаҳрида 103 909,7 млрд. сўмлик хизматлар кўрсатилди ва хизматлар ўсиши 100,4 фоизни ташкил этди.
Тошкент шаҳрининг ҳудудларида 2020-2021 йилларда хизматлар ҳажми ўсиши билан боғлиқ кўрсаткичлар таҳлили 2.7-жадвалда келтирилган.

2.7-жадвал