Lektsiya teksti Defektologiya (Logopediya) bakalavr ta`lim bag`dari 1-kurs ushin mo`lsherlengen Du`ziwshi

Seslerdi durıs aytıwg`a u`yretiw. Bala jaqsı sha`rayatta, yag`nıy til qatnası durıs jolg`a qayılg`an sha`rayatta ta`rbiyalang`an bolsa, eger tilinde meditsinalıq kemshiligi bolmasa, ol 6 jasqa kirgende ana tilindegi barlıq so`zlerdi iyelep aladı ha`m bul so`zlerdi qarım-qatnas waqtında durıs paydalanadı. Bazıda mektepke tayarlaw toparındag`ı balalar tilinde ayırım kemshilikler ushırap turadı. Ma`selen, olardın` tili anıq bolmaydı, dawıslardı, so`zlerdi anıq ayta almaydı, uqsas dawıslardı aytıw waqtında bir-birine aralastırıp jiberedi. Bunday kemshilik a`sirese tez so`yleytug`ın ha`m dawıslardı anıq emes aytatug`ın, ol yaki bul dawıs aytılıwın endi-endi o`zlestirip atırg`an, tildin` ulıwmalıq rawajlanıwı toqtap qalg`an balalarda ushıraydı. Demek, ta`rbiyashı pu`tkil is dawamında balalardı ana tilindegi ba`rshe dawıslardı durıs aytıwg`a, uqsas dawıslardı bir-birinen ajırata alıw ha`m durıs qollanıwg`a u`yretip barıwı sha`rt.