Lektsiya teksti Defektologiya (Logopediya) bakalavr ta`lim bag`dari 1-kurs ushin mo`lsherlengen Du`ziwshi

Balalardı so`ylesiw so`zine u`yretiw. Balalardı so`ylesiw (dialog) so`zine u`yretiw boyınsha bag`darlama talabında olardı pu`tkil topar ushın berilgen sorawlarg`a birimlep juwap beriwge, ja`ma`a`t bolıp so`ylesiwge, sa`wbetlesiwde qatnasıwg`a, doslarının` juwabın qunt penen tın`law ha`m o`zi de soraw beriwge u`yretiliwi ko`rsetilgen. Sonın` menen bir qatarda, a`tirapındag`ı adamlar menen so`yleskende a`depli, mazmunlı so`ylew sıyaqlı unamlı qa`siyetler de ta`rbiyalanıp barıladı.

Bag`darlamada orta topardan baslap bag`ının`qılı so`zdi rawajlandırıw, yag`nıy gu`rrin`lesiwge (monologlıq so`zge) u`yretiw belgilengen. Bag`darlama 4-5 jastan baslap balalardı buyımlardı sa`wlelendiriwge (oyınshıqlardı, o`simliklerdi, kiyimlerdi), olardın` o`zine ta`n belgilerin aytıwg`a, qısqa, balalarg`a tanıs erteklerdi, sabaqlarda birinshi ma`rte oqıp berilgen, ko`lemi onsha u`lken bolmag`an gu`rrin`lerdi qayta aytıp beriwge u`yretiwdi na`zerde tutadı. Bag`darlamada u`lken ha`m tayarlıq toparlarındag`ı balalardı do`retiwshilik gu`rrin`lesiw (ta`rbiyashı ta`repinen baslang`an ertek yamasa gu`rrin`di aqırına jetkeriwge, usınıs etilgen temada basqa ertek yaki gu`rrin` oylap tabıw)ge, berilgen 3-4 so`z tiykarında ertek yamasa gu`rrin` oylap tabıwg`a, balalardı jeke ta`jiriybeleri, turmıslıq temalar negizinde gu`rrin` yaki ertek tayarlawg`a u`yretiw belgilengen.