Lektsiya teksti Defektologiya (Logopediya) bakalavr ta`lim bag`dari 1-kurs ushin mo`lsherlengen Du`ziwshi

7. Balalardı baslawısh bilimge tayarlaw. Balalar baqshasında balalardın` so`ylewin rawajlandırıw boyınsha alıp barılatug`ın barlıq pedagogikalıq jumıslar olardı mektepke tayarlawg`a qaratılg`an.

Mektepte durıs, awız eki so`z, basqalardı tın`lay biliw, olardın` so`zinin` mazmunın tu`siniw, za`ru`r bolg`anda dostının` juwabın tolıqtırıw yamasa du`zetiwde a`hmiyetli dereklerden biri bolıp esaplanadı. So`z balalar ushın talqılaw predmeti bolıp qaladı, bul bolsa balalardan u`lken aqıl ku`shin talap etedi.

Solay etip, balalardın` so`ylew tilinin rawajlandırıw boyınsha ha`r bir jumıs protsesi balalardın` jası yamasa jeke (individual) o`zgesheliklerin esapqa alg`an halda a`melge asırıladı. Bul bag`darda joqarıda aytılg`an wazıypalardın` ha`r biri o`zinin` bilim beriw ha`m ta`rbiyalıq qa`siyetine iye. So`zdi rawajlandırıw barısında shaxstın` a`dep-ikramlılıq sıpatları qa`liplestiriledi, aqıl-parasatlılıq penen estetikalıq ta`rbiyanın` a`hmiyetli wazıypaları sheshiledi.
3.3. Balalar baqshasında so`ylewdi rawajlandırıw bag`darlaması, onın` ilimiy tiykarı, du`zilisi ha`m mazmunı

«Balalar baqshasında ta`lim-ta`rbiya bag`darlaması» sıyaqlı «So`ylew qa`biletin jetilistiriw bag`darlaması» da ilimiy tiykarlarg`a su`yenip du`zilgen. En` da`slep, «So`ylew qa`biletin jetilistiriw bag`darlaması» o`zinin` tolıq mazmunına qaray shaxstı ha`r ta`repleme rawajlandırıwg`a qaratılg`an. Bunnan tısqarı, «So`ylew qa`biletin jetilistiriw bag`darlaması» balalar ta`repinen awız eki so`ylewdi o`zlestiriw haqqındag`ı psixologiya pa`ninin` mag`lıwmatları, balanın` biliw ha`reketinin` o`zgeshelikleri haqqındag`ı teoriyag`a tiykarlang`an. Sonday-aq, bag`darlama balanın` rawajlanıwında so`z xızmetinin` roli haqqındag`ı teoriyalıq tiykarlarg`a, didaktikalık printsiplerge de su`yenip du`zilgen: «Balalar baqshasında ta`lim-ta`rbiya bag`darlaması»nda, «So`ylew qa`biletin jetilistiriw bag`darlaması» ha`r bir toparda to`mendegi bo`limlerden ibarat etip du`zilgen: