Lektsiya teksti Defektologiya (Logopediya) bakalavr ta`lim bag`dari 1-kurs ushin mo`lsherlengen Du`ziwshi

So`zdin` seslik ma`deniyatın qa`liplestiriw. «Balalar baqshasında so`ylewdi rawajlandırıw bag`darlaması»nın a`hmiyetli bo`limlerinen biri. Seslik ma`deniyat ana tilindegi barlıq seslerdi durıs aytıwdı, diksiya ha`m intonatsiyag`a baylanıslı bolg`an so`zdin` aytılıwın, so`ylesken waqıtta durıs dem alıw ja`ne shıg`arıwdı, dawıstın` ırg`ag`ın ja`ne tempin ta`rtipke salıwdı o`z ishine aladı.

Bag`darlama mektepke shekemgi ta`rbiya jasındag`ı balalardı anıq, asıqpay, jeterli da`rejede joqarı dawıs penen so`ylewge, so`zlerdi bo`lek-bo`lek etip aytıwg`a, intonatsiya qurallarınan durıs paydalanıwg`a u`yretiw sıyaqlı wazıypalardı a`melge asırıwdı belgilep bergen. Bag`darlamadag`ı bul wazıypalar ha`r bir toparda, balalardın` jas ha`m psixologiyalıq o`zgesheliklerin esapqa alg`an halda a`melge asırılıp barıladı.