Lektsiya teksti Defektologiya (Logopediya) bakalavr ta`lim bag`dari 1-kurs ushin mo`lsherlengen Du`ziwshi

So`zdin` grammatikalıq qurılısı. Bala 6 jasqa kirgeninde ga`plerde so`zlerdin` o`zgeriwi ha`m baylanıwı haqkındag`ı tiykarg`ı nızamlardı iyelep aladı. Biraq olar tilinde morfologiyalıq qa`teler ushırap turadı, yag`nıy so`zlerde kelisim qosımtaların nadurıs qollanadı, ma`selen, «Menin` qolg`abım u`yge qalıptı», «Ol stolg`a otırıptı», «Annam magazinde bardı» ha`m basqalar. Bul topar ta`rbiyashının` tiykarg`ı wazıypası balalardı sorawg`a juwap beriwde o`z pikirin tolıq, anıq bayan ete alıwg`a; ga`plerde so`zlerdi durıs baylanıstıra alıwg`a; gu`rrin` etiwde yamasa qandayda bir ertek, gu`rrin`di qayta gu`rrin` etiwde ga`plerdi tolıq ha`m durıs qura alıwg`a; qosımtalardan ha`m ekinshi da`rejeli ga`p bo`leklerinen paydalanıwg`a u`yretip barıwdan ibarat.