Lektsiya teksti Defektologiya (Logopediya) bakalavr ta`lim bag`dari 1-kurs ushin mo`lsherlengen Du`ziwshi

2. So`zdin` grammatikalıq ta`repin qa`liplestiriw. So`zlik tildin` qurılıs materialı bolıp esaplanadı. Grammatika bolsa ga`pte so`zlerdin` o`zgeriwi ha`m olardın` o`z-ara baylanısıw usılların belgileydi. Bunnan tısqarı, grammatika tildin` qurılısı modelin (so`z jasawshı, so`z o`zgertiwshi) belgileydi.

Bala a`tirapındag`ılardan grammatikalıq jaqtan qa`liplesken so`zdi esitedi. Esitkeninin` ma`nisine tu`siniw menen birge, tildin` grammatikalıq ta`repin iyeleydi, modelin bilip aladı. Bala ana tilinin` barlıq grammatikalıq tu`rlerin qanshelli erte o`zlestirse, ol aqıl jag`ınan sonshelli tez rawajlanadı. Egerde balalarda so`zdin` grammatikalıq ta`repi nadurıs qa`liplesse, aqıl jag`ınan rawajlanıwı keshigedi.

Sonın` ushın ta`rbiyashı grammatikanın` (morfologiya ha`m sintaksis) tu`rli formaların o`zlestiriwge ja`rdem beretug`ın didaktikalıq oyın ha`m shınıg`ıwlardı sho`lkemlestiredi. Ma`selen, seplik qosımtasın o`zlestiriw ushın «Bilesen` be, men qay jerde boldım?» (u`lken jastag`ı toparda); ekinshi da`rejeli ga`p ag`zaların o`zlestiriw ushın «Men baslayman, sen juwmaqla!», atlıqtın` sepleniwin o`zlestiriwde «Bilesen` be, ne jetispeydi?», feyildin` ma`ha`llerin o`zlestiriw ushın «Siz ne islewdi qa`leysiz? ha`m t.b.