Лекция Лейкоцитлар патологияси

Регенератив силжиш гранулоцитопоэзни актив кўрсаткичи бўлиб, бунда суст умумий лейкоцитоз фонида периферик қонда таёқча ядроли гранулоцитлар ва метамиелоцитлар ортади, битта яримта миелоцитлар ҳам бўлиши мумкин.
Гиперрегенератив силжиши лейкопоэтик тўқимани ҳаддан ташқари
гиперплазияси ҳисобига келиб чиқади, ҳужайраларнинг етилишини бузилиши ҳисобига, периферик қонда таёқча ядроли гранулоцитлар ва метамиелоцитлар сони кескин ортади, метамиелоцит, миелоцит, промиелоцитлар пайдо бўлади, лейкоцитларнинг умумий сони айтарли ўзгармайди.
Дегенератив силжиш лейкопоэзнинг чуқур бузилганлигини англатади.
Умумий лейкопения фонида периферик қонда таёқча ядроли гранулоцитлар кўпайиб кетади, уларнинг ядро ва цитоплазмасида дегенератив ўзгаришлар кузатилади, метамиелоцитлар бўлмайди.
Регенератив–дегенератив силжиш қизил кўмикда патологик, ўзгарган лейкоцитларнинг гиперпродукцияси ва уларнинг етилишини бузилишида кузатилади. Бундай силжишда умумий лейкоцитоз, қон суртмасида таёқча ядроли гранулоцитлар, дегенерация белгилари билан метамиелоцит ва миелоцитлар кўзга ташланади.
Лейкозлар
Лейкоз, ўсма характерига эга бўлган, қизил кўмикнинг зарарланишидан қон ҳосил қилувчи ҳужайраларда рўй берувчи қоннинг системали касаллигидир.
Лейкозлар, қон ҳосил қилувчи тўқималарда учрайдиган ўсмаларга, яъни гемобластозлар гурухига киради, лекин гемобластозларга лейкозлардан ташқари лимфагранулематоз, лимфосаркома, лимфоцитомалар ҳам киради.
Лейкоз, ўсма табиатга эга эканлигини қуйидаги холатлар тасдиқлайди.
1. Лейкоз, шу жумладан, ўсмаларда ҳаддан ташқари ва идора этилиши бузилган ҳужайралар бўлиниши кузатилади.
2. Лейкоз ва ўсма ҳужайраси бирламчи, ўзгарган, трансформацияланган ҳужайрадан ҳосил бўлади. Барча лейкоз ҳужайралари турли-туман бўлмасин, улар битта соғлом ҳужайрадан юзага келади.
3. Лейкоз, шунингдек ўсма ҳужайраларда анаплазия холати кузатилади, яъни ушбу ҳужайралар морфологик, биокимёвий ва бошқа хусусиятлари билан эмбрионал даврдаги холатига ўхшаб кетади.