Лекция Лейкоцитлар патологияси

7. Юрак етишмовчилиги. Юрак мускулларида лейкоз ҳужайраларини кўпайишидан келиб чиқади.
Лейкемоид реакциялар
Маълумки, қон яратувчи тўқима, шу жумладан, суяк кўмиги инфекцион ва захарли омилларга сезгир бўлади, уларнинг таъсирида қон манзарасида ўзгаришлар рўй беради.
Лейкемоид реакция патологик реакция бўлиб, периферик қонда лейкозларга ўхшаш миқдорий ва сифат ўзгаришлар кузатилади. Уларнинг лейкоздан фарқи шуки, биринчидан мустақил касаллик бўлмай, токсик инфекциялар оқибатида келиб чиқади. Иккинчидан, лейкемоид реакцияларда ўзгаришлар фақат суяк кўмигида рўй беради, метастаз бермайди (турли тўқималарда лейкемик инфильтратлар кузатилмайди). Учинчидан, лейкемоид реакциялар вақтинча бўлиб, асосий касаллик тугагандан сўнг, ўтиб кетади, яъни организмни ўлимга олиб келмайди.
Уларнинг икки тури тафовутланади:
1. Миелоид реакция кўпинча, сил, дизентерия, сепсис, яъни суяк кўмигига метастаз берувчи ўсмаларда учрайди. Миелоидлейкоздан фарқи периферик қонда етилмаган лейкоцитлар кам бўлади, миелобластоз ҳолати учрамайди, эозинофил ҳамда базофиллар кўпаймайди, нейтрофилларда лейкозга хос бўлмаган токсиген доначалар кўринади.
2. Лимфоид реакциялар кўпинча ёш болаларда, кўк йўтал, сувчечакда бир неча хафта давомида кузатиш мумкин. Айрим касалликларда м: Филатов касаллигида моноцитоз, лимфоцитоз билан кечади, ушбу касалларнинг периферик қонида плазматик ҳужайралар хам учрайди.