Лекция Лейкоцитлар патологияси

I. Гематологик синдром ўз ичига қуйидагиларни олади.
1. Панцитопения – барча турдаги шаклли элементлар миқдори айниқса ўткир лейкозда камайиши кузатилади.
2. Анемия. Бунинг патогенезида эритропоэзни бузилиши ётади, шу билан бирга эритроцитларни иммун гемолизи, қон йўқотишни геморрагик синдромни ҳам роли бор.
3. Геморрагик синдром. Ушбу холатга, тромбоцитопения ва қон-томирлар деворига лейкоз инфильтрати тўпланиши сабаб бўлади.
4. Организмни микробларга қарши носпецифик ҳимоясини пасайиши.
5. Иммунологик етишмовчилик.
II. Лейкоз ҳужайралар фаолияти билан боғлиқ синдромлар.
1. Лихорадка(истима), маълум бўлишича 7-8% беморлардагина, касаллик бошланишидаги тана ҳароратини ортиши инфекция билан боғлиқ, кўплаб холатларда эса лихорадка ноинфекцион ҳарактерга эга бўлади.
2. Интоксикация. Кўпгина лейкоз ҳужайралар ўлгандан сўнг, ўз маҳсулотини қонга чиқаради. Уларни кўпчилиги МНТга токсик таъсир кўрсатади. Шундан, тез чарчаш, умумий холсизлик ва кўнгил айниши келиб чиқади.
3. Аутоиммун жараёнлар.
III. Лейкоз ҳужайраларни метастазланиши, турли орган ва тўқималарда лейкоз пролифератларни ривожланиши билан боғлиқ синдромлар.
1. Лимфатик тугун, жигар ва қораталоқнинг катталашуви.
2. Тери синдроми. Терида лейкоз ҳужайра пролифератлари лейкемидларни ҳосил бўлиши билан намоён бўлади.
3. Шиллиқ қаватларда яра-некротик ўчоқларни юзага чиқиши (яра-некротик стоматит, ангина, энтеропатиялар)
4. Суяк-бўғин синдроми, суяк ва бўғинларда оғриқ билан намоён бўлади.
5. Нейролейкоз синдроми. Менингиал, бош чаноқда босимни ортиши синдромлари турли-туман неврологик бузилишлар билан намоён бўлади: м: парез, паралич, парестезиялар. Бу ўзгаришларни бош мия, орқа мия, нерв стволи, вегетатив тугунларда лейкемик инфильтратларни пайдо бўлиши билан тушунтирилади.
6. Лейкоз пневмонити. Лейкоз пролифератлари, ўпкани нафас функциясини кескин бузади, натижада ташқи нафас етишмовчилиги келиб чиқади.